Хьондакавказиял мацӀал

Хьондакавказиял мацӀал
Бакъаккул кавказиял Нах–дагъистанияб Хьонда-баккул кавказиял Каспиял
Географияб тӀибитӀи	Кавказ
Лингвистикияб классификация	ТӀоцереял мацӀазул хъизамазул цояб
Инс-мацӀ	Инс-хьондакавказияб
Гъоркьрикьи	Авар–гӀандиял Даргин Лезгин Нах Тум Хиналуг ЦӀунтӀиял
Glottolog	nakh1245
Авар–гӀандиял   Даргин   Лезгин   Вайнах   Тум   Хиналуг   ЦӀунтӀиял

Хьондакавказиял мацӀал, гьединго Бакъаккул кавказиял, Вайнахгин дагъистаниял, цо-цо Каспиял мацӀал (Хьонда-тӀерхуьла кавказиял мацӀазде абулеб Понтиял мацӀал терминалде данде лъун) — мацӀазул хъизан, жиб тӀибитӀун бугеб Кавказалъул бакъаккул рахъалда ругел республикабазда: Дагъистаналда, Чечнялда, Ингушетиялда, гьединго Хьондасеб Азарбижаналдаги, Гуржиялдаги; гьединго эл мацӀазда кӀалъала Бакъаккул Европалда ва БакътӀерхьула Азиялда ругел кавказиязул диаспораби. КӀалъалезул рикӀкӀен, батӀи-батӀиял баяназда рекъон, буго 2,6-даса 4,3-де щун миллион чи. Эл мацӀазул цо-цоял руго жидела чанго нусго гурони чи кӀалъаларелги.

Хьондакавказиял мацӀал рикьала цо инс-мацӀалдаса НЩ III азарсонил ахиралдехун. Руго чанго гьипотезаби, жидеца хьондакавказиял мацӀал кӀудахъизаналде рачунеб, энибго Кавказалъул мацӀазда цадахъги, хӀо эзул цониги гьечӀо киназго риккӀараблъун. Хъизамуда жаниб генеалогияб классификациялда ва мацӀаздеги диалектаздеги бикьиялдаги сверун буго гӀелмияб диспут. Традиционго хъизан бикьула анкьго яги анлӀго (авар–гӀандиялги цӀунтӀиялги мацӀал цойида риккӀани) гӀаркьалиде. Хьондакавказиял мацӀазда буго рагьукъал гьаркьазул бечедаб система, гӀатӀидго тӀибитӀун буго фарингализация, лабиализация. Грамматикалда батӀахъул рижа буго вербалаб аргументазул эргатив–абсолутив кодификати, хӀалатазул кӀиго система (гӀадаталги бакӀалъулги), цӀарсилаб классалъул категория.

ЦӀар

Гьеб хъизаналде абизе хӀалтӀизабула чанго цӀар. Бищун гӀаммаб буго Хьондасеб бакъаккул кавказияб, элъ данде лъола Кавказиял мацӀазул лъабго рикӀкӀараб хъизан: Хьондасеб бакъаккул кавказияб, Хьондасеб бакътӀерхьул (Абхаз–адигъ) ва Бакъдасеб кавказияб (картвел). Эдинго элде абизе бегьула хьондакавказияб яги бакъаккул кавказияб онги. Нах(о)-дагъистанияб яги вайнах-дагъистанияб цӀаруца нахъихьизабула хъизамул тӀоцебеяб бикьи вайнах ва дагъистанияб гӀаркьалабазде, хӀо гьеб цӀар тӀокӀалъ гӀатӀидго хӀалтӀизабулеб гьечӀо, щай гурелъул дагъистанияб гӀаркьел унгоги ккола чангоязул конгломерат. Дагьо хӀалтӀизабулеб термин буго Хьондасеб каспияб (Каспи ралъдал рагӀаллъи), эб данде лъола Хьондасеб понтияб терминалъе (ЧӀегӀер ралъал рагӀаллъи), жиб Хьондасеб бакътӀерхьул кавказиял мацӀазда абулеб.

ТӀибитӀи

География

Хьондакавказиял мацӀазул ареал

Хьондакавказиял мацӀазул цӀиккӀанисел тӀиритӀун руго Дагъистаналъул цохӀо мугӀрузулаб рахъалда. Авар–гӀандиял мацӀазда кӀалъалел руго Дагъистаналъул бакътӀерхьуда, эзул Авар мацӀ ккола бищун тӀибитӀараблъун, элда кӀалъала мугӀрузда гуребги, лъарагӀлъудаги, гьединго ЦӀоралдаги (жакъа къоялъ Азарбижаналда), гӀандиял ва цӀунтӀиял мацӀал рахьдалаблъун кколезе авар мацӀ буго лингва франкалъун. ЙӀунтӀиял мацӀазда кӀалъалел руго бакъда-тӀерхьудехун, лак ва даргин — централда. Лезгин мацӀал тӀиритӀун руго Дагъистаналъул бакъдехун..

Чачанги гъалгъайги мацӀал руго ЧачаналӀ ва Ингушетиялда. Курал, рутул, хъалтагъ мацӀал тӀиритӀун руго Азарбижаналдаги, будух, къирицӀ ва хиналуг мацӀал — цохӀо Азарбижаналда, удин — Азарбижаналдаги Гуржиялдаги. Бацби мацӀ буго Гуржиялда бугеб цо росулӀ..

Хьондакавказиял мацӀазда кӀалъалезул диаспораби руго цогидал бакӀаздаги. ТуркалӀ руго аваралдаги куралалдаги кӀалъалел. агъул, даргин ва цогидал мацӀазда кӀалъалезул цодагьаб рикӀкӀен буго ХъиргъизалӀ — 1937–1939 соназ доре депортинарун рукӀарал чагӀазда гьоркьоб; ХЪазахстаналда чачан ва гъалгъай мацӀалда кӀалъала 1944 соналъ депортинарун рукӀаразул дораго чӀарал чагӀи. ГьитӀи-гьитӀинал къокъаби руго Россиялъул цогидал регионаздаги. .

РиккӀен

Хьондакавказиял мацӀазул процент кӀалъалезда рекъон

  Чачан (33.6%)

  Авар (18.9%)

  Курал (16.3%)

  Даргва (12.1%)

  Гъалгъай (8.0%)

  Тум (3.8%)

  Цогидал (7.3%)

Цо-цо хьондакавказияб мацӀалда кӀалъалезул рикӀкӀен буго нус-нус чи. 1989 сонил цензалда рекъон, СССРалда чачан мацӀалда кӀалъалезул риккӀен букӀун буго 958 309 чи, гъалгъаялда — 237 438, аваралда — 604 200, даргвалда — 365 800, тумалда — 118 400, куралалда — 466 800, агъулалда — 19 900, рутулалда — 20 700, табасараналда — 98 400, хъалтагъалда — 20 100 чи. Цогидал хъондакавказиял мацӀазул босазул риккӀен буго щунусидаса чанго азар чиясде бахунеб.. 2011 сонил баяназда рекъон, хьондакавказияб хъизамул мацӀазда кӀалъалезул риккӀен буго гӀ-ш. 4.3 миллион чи, Россиялда 2010 сонил цензалда рекъон вуго около 3.6 миллион чи. Бищун тӀиритӀарал хьондакавказиял мацӀал руго авар (гӀ-ш 800,000–1,000,000 босор) ва чачан (гӀ-ш. 1.3 миллион босор).

ГӀемерисел мацӀалги диалекталги руго тӀагӀиналъул хӀинкъаликь. Будух, бацби, хьондасел даргин мацӀал ва цогидал мацӀазул цо-цо диалектал руго критикияб ралълида: эзда кӀалъалел руго хералги чӀахӀиялги, гӀун бачӀунеб гӀел гуреб, гьелъ цинги гьел кватӀичӀого тӀагӀиналъул кӀудияб хӀинкъи буго.

МацӀазулаб классификация

Традиционияб классификация (Nichols (2003))

Жанисеб классификациялъул тӀарамагъадисеб вариант (Schulze (2009))

Релативияб хронология гьечӀеб вариант (Schulze (2009))

ГӀемараб мехалъ классифкацилъ хъизан бикьулаан нахияб ва дагъистанияб гӀаркьалабазде, гьениса бачӀараб букӀана нахо-дагъистанияб терминги. Амма, прото-мацӀалъул реконструкциялъул хӀалбихьуда рекъон, нахиял мацӀал дагъистанияздаса цӀикӀкӀун ратӀалъарал гьечӀо дагъистанияб гӀаркьалил мацӀал цоцаздаса гӀадинго, амма гьеб кинабго жеги тӀолазго рикӀкӀун гьечӀониги. Хадусеб схема, жиб Бернард Комри ва цогидал лингвистазул хӀалтӀуда рекъон гӀуцӀараб, къабул гьабун буго Ethnologue-лъги. НахъчӀван букӀана авар–гӀандияб–цӀунтӀияб гӀаркьел, амма эб букӀахъинабуна "цӀияб типалъул" мацӀал гӀадин Шулцица (2009, 2013), ва гьединго нахъбуссинабуна лак–даргиябги.

Хъизамалда жаниб классификация гьаби захӀмат гьабулеб факторазул цояблъун буго щибаб гӀаркьалил диахроникияб цебетӀей бихьизабун букӀин диффузиялъул цӀакъго цӀикӀкӀараб даражалдалъунги, гьединго дивергенциялдалъунги, жинда хадуб кӀиабизесеб конвергенция бугеб, гьелъ захӀмат гьабулеб буго компаративияб метод.

Популациялъул рикӀкӀен босараб буго Ethnologue 16леб редакциялдаса.

Авар–гӀандияб хъизан

Аслияб макъала: Авар–гӀандиял мацӀал

Аслияб ареал ккола БакътӀерхьул Дагъистаналъул магӀаруллъи, гьединго лъарагӀлъи. Авар ккола лингва франка хутӀаразе ва цӀунтӀиял мацӀазе ва цохӀо бугеб литературияб мацӀ. Шулцеца (2009) кьолеб буго хадусеб хъизамулаб гъветӀ авар–гӀандиял мацӀазе:

• Авар–гӀандияб хъизан
  • Авар (761,960)
  • ГӀандиял мацӀал
    • ГӀандисезул (5,800)
    • ГӀахьвахъ–ТӀинди
      • ГӀахьвалазул (210, 2010 соналъ)
      • КӀкӀаратӀа–ТӀинди
        • КӀкӀаралазул (260, 2010 соналъ)
        • Болъихъ–ТӀинди
          • Балъхъадерил (210 as of 2010)
          • Гъодоберисезул (130 as of 2010)
          • ЧӀамалазул (500 as of 2010)
          • Багвал–ТӀинди
            • Багвалазул (1,450)
            • ТӀиндисезул (2,150)

Цифраби щварал руго Ethnologue-лдаса. Гьел мацӀазда кӀалъала Дагъистаналъул хадусел районазда: Бакълъул, Болъихъ, Гелбахъ, Гъуниб, ГӀахьвахъ, Къарабдахъ, Лаваши, ЛъаратӀа, Онсоколо, Хасавхъала, Хунзахъ, Хьаргаби, ЦӀумада, ЦӀунтӀа, ЧӀарада, Шамилил, Шурагьи, гьединго цогидал районаздаги. Авар мацӀ гьединго буго ЦӀоралъул Закаталаги Билканги мухъазда.

Гь. балагье

• Нах-дагъистаниял мацІазе Сводешил сияхІ

Адабият

• Oleg Balanovsky, Khadizhat Dibirova, Anna Dybo, Oleg Mudrak, Svetlana Frolova. Parallel evolution of genes and languages in the Caucasus region (en) // Molecular Biology and Evolution. — 2011. — October (vol. 28, iss. 10). — P. 2905–2920. — ISSN 1537-1719. — doi:10.1093/molbev/msr126.
• Berg, H. van den. The East Caucasian language family (en) // Lingua. — Elsevier, 2005. — Vol. 15, no. 1. — P. 147—190. — ISSN 0024-3841. — doi:10.1016/j.lingua.2003.06.004.
• Comrie, Bernard. Linguistic Diversity in the Caucasus (en) // Annual Review of Anthropology. — Annual Reviews, 2008. — No. 37. — P. 131—143. — ISSN 0084-6570. — doi:10.1146/annurev.anthro.35.081705.123248.
• Chirikba, Viacheslav. The problem of the Caucasian Sprachbund (en) // From Linguistic Areas to Areal Linguistics : сборник / Pieter Muysken (ed.). —

1. REDIRECT Шаблон:Таржама гьабичIо 5, 2008. — P. 25—94. — ISBN 978 90 272 3100 0.

• Daniel, Michael & Lander, Yuri. The Caucasian languages (en) // The Languages and Linguistics of Europe: A Comprehensive Guide / B. Kortmann & J. Auwera (eds.). — Berlin, Boston: De Gruyter Mouton, 2011. — P. 125—158. — doi:10.1515/9783110220261.125.
• Daniel Michael, Ganenkov Dmitry. Case marking in Daghestanian: limits of elaboration (en) // The Oxford Handbook of Case / Malchukov A., Spencer A.. — Халип:Oxf.: OUP, 2012. — ISBN 978-0-19-920647-6. — doi:10.1093/oxfordhb/9780199206476.001.0001.
• Michael Daniel, Ilia Chechuro, Samira Verhees, Nina Dobrushina. Lingua francas as lexical donors: Evidence from Daghestan (en) // Language. — 2021. — Vol. 97, iss. 3. — P. 520—560. — ISSN 1535-0665. — doi:10.1353/lan.2021.0046.
• Ganenkov D., Maisak T. Nakh-Dagestanian Languages (en) // #REDIRECT Шаблон:Таржама гьабичIо 5 (ed.) The Oxford Handbook of Languages of the Caucasus. — Халип:Oxf.: Oxford University Press, 2021. — doi:10.1093/oxfordhb/9780190690694.013.4.
• Tatiana M. Karafet, Kazima B. Bulayeva, Johanna Nichols, Oleg A. Bulayev, Farida Gurgenova. Coevolution of genes and languages and high levels of population structure among the highland populations of Daghestan (en) // Journal of Human Genetics. — 2016. — March (vol. 61, iss. 3). — P. 181–191. — ISSN 1435-232X. — doi:10.1038/jhg.2015.132.
• Tuite, Kevin. The Rise and Fall and Revival of the Ibero-Caucasian Hypothesis (en) // Historiographia Linguistica. — 2008. — 1 March (vol. 35, iss. 1—2). — P. 23–82. — doi:10.1075/hl.35.1.05tui.
• Алексеев М. Е. Нахско-дагестанские языки // Языки мира. Кавказские языки. — М.: Academia, 1999. — С. 156—165. — ISBN 978-5-874-44079-4.
• Бокарев Е. А. Введение в сравнительно-историческое изучение дагестанских языков. — Махачкала, 1961. — 99 с.
• Добрушина Нина. Многоязычие в Дагестане, или зачем человеку три языка // Социологический журнал. — М.: Институт социологии РАН, 2007. — Вып. 1. — С. 103—127. — ISSN 1562-2495.
• Добрушина Нина. Многоязычие в Дагестане конца XIX – начала XX века: попытка количественной оценки // Вопросы языкознания. — М.: Институт русского языка им. В. В. Виноградова РАН, 2011. — № 4. — С. 61—80.
• Кибрик А. Е., Кодзасов С. В. Сопоставительное изучение дагестанских языков. Глагол. — М.: Издательство МГУ, 1988. — 225 с. — ISBN 5-211-00541-4.
• Кибрик А. Е., Кодзасов С. В. Сопоставительное изучение дагестанских языков. Имя. Фонетика. — М.: Издательство МГУ, 1990. — 366 с. — ISBN 5-211-01420-0.
• Коряков Ю. Б. Атлас кавказских языков. — М.: Пилигрим, 2006. — 76 с. — ISBN 5990077211.

КъватӀисел линкал

• Various Northeast Caucasian language dictionaries online from IDS (select simple or advanced browsing)
• CIA linguistic map of the Caucasus
• Atlas of Multilingualism in Dagestan
• Intercontinental Dictionary Series (contain online dictionaries of various Northeast Caucasian languages)