Википедия — эркенаб энциклопедия сайталдасан материал
ГӀандиял мацӀал руго хьондакавказияб хъизамул мацӀал. Авар мацӀалда цадахъ эл уна гьеб хъизамул авар–гӀандияб гӀаркьалиде гъорлӀе. Гьединго цӀунтӀиял мацӀазда цадахъ эл цойиде рачуна авар–гӀандияб–цӀунтӀияб къакъа гӀадинан. ТӀиритӀун руго гӀандиял халкъазда гьоркьоб Дагъистаналъул бакътӀерхьуда, аслияб куцалъ ГӀанди гӀурул расалъуда (Болъихъ, ЦӀумада, ГӀахьвахъ мухъазда) ва Азарбижаналъул хьондасеб бакътӀерхьул рахъалда (Закатала район); 1950-л соназдаса хада эл мацӀазда кӀалъалезул гӀемерисел чагӀи рахъана лъарагӀлъуде. ГӀандиял мацӀазда кӀалъалезул риккӀен буго гӀ-ш 15 азар чи (2010 сонил), литературияб мацӀлъун эзие ккола авар.
Традиционго гӀандиял мацӀазулӀе бачуна 8 мацӀ. Шулцица (2009)[1] кьолеб буго хадусеб хъизамул гъветӀ:
