Унсоколо мухъ

Википедия — эркенаб энциклопедия сайталдасан материал
Перейти к навигации Перейти к поиску
Пачалихъ Flag of Russia.svg Россия
Статус муниципалияб мухъ
Гъорлъе уна Дагъистан Дагъистан
Гъорлъе бачуна 12 муниципалияб
гІуцІи
Административияб марказ Шамилхъала поселок
ГІуцІараб къо-моцІ 1935
БетІер ГІиса НурмухІамадов
Расмиял мацІал магІарул, гІурус
Халкъ (2015) 30 297
Гъунки 51 чи/км²
Миллияб гІуцІи магІарулал
Динияб гІуцІи Бусурбаби-Сунниял
Ракь 560 км²
Унсоколо мухъ картаялда
СагІтил рачел MSK (UTC+4)
Телефоналъул код +7 87257
Автом. номеразул код 05

Унсоколо мухъ (гІур. Унцукульский район) - Дагъистан жумгьурияталъул мухъ.

Административияб марказШамилхъала поселок.

Ракьхъвай[хисизабизе | вики-текст хисизабизе]

Мухъ ккола Дагъистаналъул централияб бутІаялда ва гьелъул гІорхъалаби цояллъун ккола: Шурагьиб, Лаваша, Хьаргаби, Хунзахъ ва Гъумбет мухъал.[2] Ракьалъул кІодолъи — 560 км².

Тарих[хисизабизе | вики-текст хисизабизе]

Унсоколо мухъ гІуцІцІана 23 январалъ 1935 соналъул, Авар округ ва Гъойсубулаялъул мухъ гІуцІцІиялъул хІасилалда.

2011 сон рикІкІуна, криминалалъул рахъалъ кутакалда хІалуцараблъун ва тІубараб мухъго рикІкІуна Дагъистаналъул цогиял мухъазда данде ккун бищун хІалуцараблъун. Чанго соналъ мухъалъул ва жумгьурияталъул хъулухъчагІазе рахІат толеб букІинчІо Ибрагьим ХІажидадаевас ва гьесул жамагІаталъ. 2009 соналъул феврал моцІалъ чІвана мухъалъул бетІер Генуса Казимбег АхІмадов, 2011 соналъул августалъ захІматго лъукъана цІияв бетІер МухІамадхІажи ТІагьиров (гьесул вас чІвана). Гьединго гьужумал гьаруна цоги-цоги хІукуматалъул хІалтІухъабазде, бизнесменазде ва къуваталъул идарабазул чагІазде.[3]. Гьебго соналъул августалъул авалалда ярагъ гьоркьоб хІалтІизабураб тунка-гІуси ккана мухъалъул кІиго кІудияб Генуб ва Унсоколо росабазул гІолохъабазда гьоркьоб, гьелъул хІасилалда чІвана анкьго чи: цо Унсоколоса, цо ЧІиркъатІаса ва щуго Генуса. Гьединго чІваразда гьоркьое ккана Генуса лъабго сон барай яс[4], чІвай-хъвеялъул би тІада бугевлъун ккола Унсоколо росдал бетІер ГІабдулмажидил МухІамад.

Халкъалъул къадар[хисизабизе | вики-текст хисизабизе]

Мухъалъул гІадамазул къадар бахуна 30 029 чиясде.

Миллияб гІуцІцІи

2010 осналъ гьабураб ТІолгороссиялъул халкъазул хъвай-хъвагІаялда рекъон[5]:

Миллат РикІкІен,
чи
Кинабниги рикІкІеналдаса
бутІа, %
магІарулал 28 799 97,5 %
даргинал 128 0,43 %
лакал 111 0,38 %
цогиял 509 1,7 %
кинниги 29 547 100 %


Административияб бикьи[хисизабизе | вики-текст хисизабизе]

Мухъалда гъорлъе уна 12 муниципалияб гІуцІцІи:[6]

  1. Росдал бо «Балахьуни» (росаби Балахьуни, Мокъсохъ ва ШулалъутІа)
  2. Генуб
  3. ГІашилтІа
  4. Росдал бо «ГьаракIуни» (росаби ГьаракIуни, Урчиаб ва ТІаралъул-МегІер)
  5. Росдал бо «ИштІибури» (росаби ИштІибури, Колоб ва ИнкІвалитІа)
  6. Росдал бо «Майданское» (росаби Майданское ва Зирани)
  7. Рихьуни
  8. Росдал бо «Унсоколо» (росаби Унсоколо и ХинлъимитІа)
  9. ХарачІи
  10. Росдал бо «ХъахІабросо» (росаби ХъахІабросо ва Бекьилъ)
  11. ЦІатІанихъ
  12. шагьар тайпаялъул гьен (посёлок ) «Шамилхъала»

Экономика[хисизабизе | вики-текст хисизабизе]

Мухъалъул аслияб экономика бараб буго — росдал магІишаталда. мухъалда буго 4 ПКЗ, 4 колхоз, 5 совхоз ва ччугІил магІишат.

Лъай кьей ва культура[хисизабизе | вики-текст хисизабизе]

Мухъалда буго 18 школа, 11 лъималазул школалдацересел учреждениял, 2 махщалабазул школа, 1 лъималазул творчествоялъул Рукъ; 18 клуб, 20 мактаба, 3 музей, 1 театр, 12 памятник культураялъул ва тарихалъул.


Линкал[хисизабизе | вики-текст хисизабизе]


ХІужаби[хисизабизе | вики-текст хисизабизе]




тIинчI Гьаб макъала буго тIинчI, ва гьaб жеги хIадур гьечIо.
Гьабе кумек Википедиялъе, битIизабе ва гьалде тIаде жо жубай.