Гулестан

Гулестан
blank300.png|300px]] [[file:blank300.png
Пачалихъ	Иран
Адм. марказ	Гурган
Тарих ва география
ГӀуцӀи	1997
ГӀатӀилъи	20 195 км²
СагӀтазул зона	UTC+3:30
КӀудиял шагьарал	Гомбеде-Кавус
Халкъ
Къадар	1 617 087 чи  (2006 сон)
Гъунки	80,07 чи/км²
Расмиял мацӀал	парс туркмен
Цифрабазул идентификаторал
Медиафайлал Викигъамасалда

Гумбеде-Къавус си (Хади Карими)

Гулестан ГӀаббасиязул халифаталъул картаялда

Гулеста́н (парс گلستان‎ — Golestân) — Ираналъул 31 провинциялдаса (останазул) цояб. Пачалихъалъул шималияб рахъалда буго. ГӀорхъи уна шималалдаса Туркменистангун (Балкан вилаят), бакъбаккудаса — Шималияб Хурасангун, жунуб рахъалдаса — Семнангун, бакхътӀерхьудаса — Мазандарангун. БакхътӀерхьудаса остан Каспий ралъадалъ чурула. Административияб марказ — Гурган шагьар, цогидал чӀахӀиял шагьараздаса ккола — Гумбаде-Къавус (140 аз.), Бандар-Торкаман (127 аз.), Гумушан (100 аз.), Кордкуй (68 аз.), ГӀалиабад (47 аз.), Бандар-Гез (47 аз.), Азадшагьр (39 аз.), Минудашт (26 аз.), Рамиан (12 аз.).

Ракьалъул гӀатӀилъи — 20 195 км². Халкъалъул къадар — 1 617 087 чи (2006).

Тарих

12 сентябралъ 1723 соналъ гӀурус-парс рагъул хӀасилалда гьаб область уна Россиялда гъорлъе. 1735—1739 соназда букӀараб гӀурус-турк рагъдаса хадуб область Персиялъе нахъбуссинабула Турциялде данде альянс гӀуцӀиялъе гӀоло.

Гулестан Мазандаран останалдаса батӀа тӀезабула 1997 соналъ.

Административияб бикьи

Провинция бикьула 12 шагьрестаналда:

Карта	Картаялда аббревиатура	Шагьрестан
	A	ГӀалиабад (Aliabad-e Katul)
	Az	Азадшагьр (Azadshahr)
	BT	Торкаман (Bandar-e Torkaman)
	K	Келале (Kalaleh)
	G	Гурган (Gorgan)
	Go	Гумбаде-Къавус (Gonbad-e Qabus)
	Ko	Кордкуй (Kordkuy)
	Ga	Галикеш (Galikesh)
	M	Минудешт (Minoodasht)
	R	Рамиан (Ramiyan)
	BG	Бендер-е Газ (Bandar-e Gaz)
	Ag	Аккела (Agh Ghala)

Экономика

Аслиял экономикаялъул отраслал — росдалаб магӀишат (пампа, пиринчӀ, ролъ, гандури, соя, бакъдебусс, тамахьо, кӀартуп, пер, тӀугьдул, киви, бананал, гӀодобкару), кванил, текстилияб, нартул, нартгун-химикияб, автомобилияб промышленностал, энергетика, тӀурччи бахъи, бича-хиси, транспорт, ччугӀа кквей. Гурга́н шагьаралда буго нартул завод «Нэшнл Ираниан Ойл Рефайнинг энд Дистрибьюшн Компани».