XIажи Мурад

Википедия — эркенаб энциклопедия сайталдасан материал
Перейти к навигации Перейти к поиску
XIажи Мурад
Гьавураб къо-моцІ

1795[1]

Гьавураб бакІ

Хунзахъ р., МагІарул ханлъи (гьанже Хунзахъ мухъ, Дагъистан Жумгьурият)

Хвараб къо-моцІ

5 майалъ 1852({{padleft:1852|4|0}}-{{padleft:5|2|0}}-{{padleft:5|2|0}})

Хвараб бакІ

Онджалы р., КъахӀиб район, Азарбижан

Вукъун вуго

КахӀиб район

Дин

ислам суннияб мазгьабалъул

Рагъул цІар

имам Шамилил наиб

XIажи Мурад Викигъамасалда

XIажи Мурад (гІур. Xаджи-Мурат Аварский; гьав. 1818 — 5 мая 1852) — магlарулазул аскаралъул бетIер, Имам Шамилил наиб ва бищун аскIовегIанав кумекчи[2]. Толстой Лев Никlолаясул "Хаджи-Мурат" абураб литературияб къисаялъул багьадур. Магlарулазул халкъияв бахlарчи. Гьавуна ва кlудияв гlуна Хунзахъ росулъ ханзабазул лъималазда аскlов. Ханзабазул лъималазул рахьдал вац. Вукъун вуго Азарбижаналъул КъахӀиб мухъалда.

Гlумрихъвай[хисизабизе | вики-текст хисизабизе]

Лъимерлъи[хисизабизе | вики-текст хисизабизе]

Хlаджи-Мурадил сурат Хунзахъ росулъ бахъараб. Сурат Г. Г. Гагаринасул, сон 1848.

Бахlарчи гьавураб къо-моцl алхинчIого лъаларо. Тарихчагlаца бицухъе гьев гьавун аваразул ханасул вас Гlабу-Султан Нуцалидаса хадув ва гьесу вац Гlумар-ханидаса цеве. Гьел вацал гьарурал санал ккола 1816-1818. Гьединлъидал Хlаджи-Мурад гьавурав сонлъун рикlкlуна тарихчагlаз 1818 сон[3].

Хlажи-Мурадил лъимерлъиялъул ва гlолохъанаб заманалъул хlакъалъулъ мухlганго лъалеб жо дагьаб буго. Эбел-эмен рукlана магlарулазул гlадатияб тухумалдаса. Эбелалъ гьасда цадахъ хахулел рукlана ханзабазул вас, гьелъ Хlажи-Мурадги ва гьасул кlудияв вац Гlусманги рукlана ханзабазул лъималазе рахьдал вацаллъун. Тарихчагlаз бицухъе, Хlажи-Мурад кlудияв гlуна ханзабазул васал Гlабу-Султан Нуцалида ва Гlумар-ханида цадахъ. Гьитlинаб къоялдаса нахъе Хlажи-Мурадие данде кколароан чlухlарал ва пударулел гlадамал. Гьелъ жиндирго гьунарал гlадамаздаса рахчулаан гьес.

Хlажи-Мурадил хlакъалъулъ умумуздасан бачlараб бицен буго гьадинаб: цо пуланаб къоялъ Хlажи-Мурадги ва ханзабазул васалги чанае щола Игари-рагlал абураб Хунзахъ росуахада бугеб бакlалде. Гьенив вукlарав чотlахъанас гьал рихьигун чу биччала ункъиде кIанцIизе, жиндирго гьунар бихьизабизе. Биччан унеб чу бихьарав Хlажи-Мурад векерула чоде данде, чlезабун гьебгун чотlахъан гъоркье вахъинавула. Хlажи-Мурадица гьесда абула, дурго гьунар бихьизеялъе гIоло чое гlакъва кьогеян. Ахцарав чотlахъанасда абизе жо батуларо[3].

Хlажи-Мурадица гьитlинаб къоялдаса нахъе лъазабулаан Къуран, Мухтасар ва Тафсир. Цlализе ва хъвадаризе гьесда лъалаан гlажам мацlалда (магlарул мацl, гlараб алфавиталъ хъвараб). Гьитlинаб къоялдаса нахъе гьесие рокьулаан чуялги, ярагl-матахlги[4].

Хlажи-Мурадида гьитlинал къоядаса нахъе бихьана рагъ. Гьеб заманаялъ Кавказалда ине букlана рагъ Алекlсей Ермоловасде данде. Хадуб гьасда бихьана имамзабазул къеркьей гlурусазде данде Кавказалда байбихьараб. Хlажи-Мурадие букlана 11 сон Гъази-Мухlаммад жиндирго аскаргун Хундеритlе кlанцlараб мехалъ. Гьеб къеркьеялда чlвана Хlажи-Мурадил эмен. Хунзахъ росу тlолго бикъун, щущахъбан букlана Гъази-Мухlаммадил рахIму гьечIеб аскаралъ. Гьединабги ва цогидабги захlмалъи бихьарав Хlажи-Мурад гlолохъанлъана хекко. Гьев вукlана кутакалда къвакlарав бахlарчи, бокьараб суал дандеккезабизе кlолеб хlал букlана гьесул доб мехалъго[3].

Бицен буго, кlудияв гlураб мехалъ гьасие гlурусаз къунила цо суал: «кида дуда бичlараб мун хlинкъи гьечlев чи вукlин?». Гьеб суалалъе Хlажи-Мурадица къола къучlаб жаваб: «Бецlаб сардилъ дахlададаца дун витlун вукlана Бакъдай (боцlцlи-гьанз хундерица хьихьулеб авлахъ) чода хадув. Гьитlтlаб хlетlегун дун тlад чlчlана хинаб, тамахаб жоялда тlад. Гьеб букlана гlанкl, гlундулги ккун кодобе босар. Гьеб букlана дир тlоцебесеб бахIарчияб иш». Хlажи-Мурадил гIамал-хасият букlана хундерил бахlарзабазда рекъараб. Гьесда лъимерлъиялдаса нахъе бихьана ханзабаз гьабулеб букlараб иш, унел рукlарал рагъулал къеркьеял ва цогидал захlматал ишал[3].

Хlамзат-Бекица Хунзахъ росу кквей[хисизабизе | вики-текст хисизабизе]

1834 соналъул 13 августалъ Хlажи-Мурадил кlудияв вац Гlусман вукlана Гlабу-Нуцалидаги ва Гlумаханидаги цадахъ Хlамзат-бекихъе ине ахlунругелъул имамас. Аскlове вачlун Хlамзатил мюридас бицуна Гlусманида ханзаби чlвазе ахlаралъи махсародеги ккун. Мюридас абула Гlусманида хекко рокъове тlад вусаян, гурони Хlамзатица мунги чlвалин. Чуги кьолон Гlусман тlад вусуна Хунзахъ росулъе[3][4].

Гьединан 13 августалъ 1834 соналъ Хlамзат-Бекица гьркьо ине гьаруна лебалал васал жиндиего Хунзахъ росу бахъизе бигьалъиялъе. Гьебго къоялъ Баху-бикаги Хъистlаман-бикаги Хунхзахъа рачахъула Гиничукь росулъе. Гlабу-Нуцалил хъизан хутlана ханасул рокъой Хунзахъа лъимергьайизе йикlиналъе гlоло. Бихьинлъиялъ къвакlарай Баху-бикае бокьун букlана Хlамзатгун дандчlвазе. Баху-бикада гьитlинаб къоялдасанахъе лъалаан Хlамзат. Гьев вукlана ханзабазул рокъов хъулухъ гьабулесул васлъун. Хlамзатие бокьичlо Баху-бика йихьизе. Гьес ханзабазул рукъ жиндирго кверщеликье босула гьеб къоялдаса нахъе.[5]

Хlажи-Мурад, 1858 сон, суратВ. Ф. Тимма

Хlамзат-бекида лъалеб букlана цо ханзаби чlван Авар ханство жиндирго кверщеликье босуларелъи. Гьес буюрухъ кьуна Сахъадерил хан Сурхай кквезе. Сурхай-хан вукlана Баху-бика вацгlал. Гьелдаса хадуб Хlамзатие бокьана ханзабазул бечелъи бахъизе[5]. Гьелъие хlажатал буюрухъалги кьун, Хlамзатица ахlана жиндихъего Баху-бика. Къвакlарай гlаданалъ Хlамзатида баркула бергьенлъи. Гьеб бокьичlев Хlамзатица мюридасде къинкlула бетlер къотlеян[5].

Хlамзатица гьабуралда рекъоларо гьасул бищун гIагаразегицин. Инжилъарав жиндица гьабуралдаса Хlамзат гьардола тlаса лъугьаян. Гьес гьерсал рицуна, Баху-бика чlаго тани, гьелъ гlурусазда кумек гьарулин. Киназдаго бичlулеб букlана Хlамзатица гьабураб вахlшияб жо. Хадусеб къоялде чlвала Сурхай-ханги[5].

Хундерие вокьулароан Хlамзат-бек. Хундерица ургъула хlилла Хlамзат чlвазе[5]. Гьаз ургъухъе бахча-ккван 18 бахlарзал рачlуна Хlамзат чlвазе. 18-сго Къураналтlа кверлъун рагlи кьола лъидаго бицинарин жидерго сихlр[5].

ХІужаби[хисизабизе | вики-текст хисизабизе]

  1. Немецкая национальная библиотека, Берлинская государственная библиотека, Баварская государственная библиотека и др. Record #13623240X // Общий нормативный контроль (GND) — 2012—2016.
  2. Р. Н. Иванов. Хаджи-Мурат: документы, письма, очерки, факты. М.: Эхо Кавказа, 1999—247 с.
  3. 3,0 3,1 3,2 3,3 3,4 Хаджи-Мурат Хунзахский. Архивировано из первоисточника 27 Февраль 2013. Проверено 25 Февраль 2013.
  4. 4,0 4,1 http://xynzax.ucoz.ru/index/khadzhi_murad/0-24
  5. 5,0 5,1 5,2 5,3 5,4 5,5 Неверовский. Истребление Аварских ханов в 1834 году. Архивировано из первоисточника 28 Апрель 2013. Проверено 21 Апрель 2013.