Нуцал

Аваристаналъул Нуцал
Аваристаналъул Нуцал;
	Нуцалзабазул дугъ (гьанжесеб реконструкция)
Тайпа	Монархия
Статус	Пачалихъалъул бетӀер
Резиденция	ТӀануси, Хунзахъ
Хъулухъ гӀуцӀи	VI гӀ.
Хъулухъ хвезаби	1863

Нуцал — жал Сариралъул бутӀрузул ирсиллалъунги кколел рукӀарал, жидер резиденцияги цин ТӀануси, хадуб Хунзахъ шагьаралда букӀарал Аваристаналъул бутӀрузул букӀараб титул.

Бещун тӀоцевесев нуцаллъун рикӀкӀуна VI гӀасруялда вукӀарав Авар-хан. МухӀамад Рафиясул «Дагъистаналъул тарихалда» Нуцалзабазул наслу байбихьулеб буго ГӀарацханидаса (ГӀарацхан Ӏ),живги VII гӀасруялда вукӀарав^[1].

Аваристаналъул бищун къуватав ва рагӀи билӀарав нуцаллъун вукӀана КӀудияв ГӀумахан,^[2] жиндир заманалда Авар нуцаллъиялъул пачалихълъиялъул цебетӀейги, сиясиябгин экономикияб къуватги завалалда букӀарав.

Ахирисев нуцаллъун вукӀана Мехтулиса Ибрагьимхан (1859 – 1863). 1863 соналъ Авар нуцаллъи тӀубанго Россиялъул империялде гъорлъе ана.

Титул бачӀараб бакӀ

Нуцал абураб титулалда ва гьеб бачӀараб бакӀалда сверун ругел суалазе мухӀканаб жаваб гьечӀо. Цо-цо гӀелмияб цӀех-рех гьабулез рикӀкӀунеб буго гьеб титул гуржи мацӀалъул «нацвал» абураб рагӀиялдаса бачӀин.^[3]^[4] Амма гьеб теория битӀараб букӀин цӀакъ щакаб буго, щай абуни гьеб термин Гуржиялъ къанагӀатгицин хӀалтӀизабуларо стратификациялъул номенклатураяла. Гьеб рагӀул этимология балагьизе ккола жибго Авар мацӀалда, жинда жаниб -ал ахир бугел рагӀаби гӀезегӀан ругеб. ГӀинтӀамизе ккола авар мацӀалда «нуцал» абулеб термин гӀадин «нуцияв» абураб терминги хӀалтӀизабулеб букӀараблъиялъухъ.^[a]^[5] Гьеб терминалъулгун релълъенлъи гьабула хадусел терминазги: «нусияв», ай нусил бетӀер, ва «нуцӀияв» — нуцӀа цӀунулев. Гьеб кӀиябго версиялъ бихьизабулеб буго «нуцӀияв» абулеб термин бетӀерав нухмалъулесде абулеб «нуцал» терминалде цебетӀей. Гьеб пикру хӀакълъула Авар пачилхъ жиндир байбихьуда жиндирго хьундасел гӀорхъаби гочарухъабаздаса цӀунезе гӀорхъодасеб пачалихъ хӀисабалда Сасниязул Ираналъ кумек гьабун гӀуцӀун букӀин рикӀкӀиндал.^[6]

Нуцалзабазул сияхӀ


ЦӀар	Нуцаллъиялъул заман	Баянал
Авар хан	VI гӀ.
Лъаларел нуцалзаби
ГӀарацхан Ӏ	VII
Хидиршагь	VIII
Тараз	VIII
ГӀабас	IX
Сапишагь
Хаважах
ПиргӀавн	X
ГӀамир
Сайгид
Тагьмаз	XI
Пардин (Перид)
Байсар Ӏ
Намруд	XII
Кад (Бакир)
Пирудшагь
ГӀумахан
ГӀарацхан Ӏ	XIII
Саратан Ӏ
Суракъат Ӏ
АхӀмад
Абу-Муслим
Байар II		I Суракъатил вас
Масумбек
СултӀан ибн Масумбек
Чупан ибн СултӀан
ГӀамирахӀмад ибн Чупан
ГӀамир-СултӀан Ӏ	1272 - 1295	Байярил вас
Малик Саратан Ӏ	гӀ.-ш. 1295 - гӀ.-ш. 1318
Лъаларел ханзаби
Суракъат ӀӀ	1353/1354 ?
Саратан ӀӀ
Дугърихан Ӏ
Ибрагьим Ӏ
МухӀамадмирза		Ибрагьимил дурц, Дугъриханасул Ӏ вас
Файл:ГӀандуникӀ-нуцал I.jpg ГӀандуникӀ Ӏ	1460 - 1485	Ибрагьимил вас
Булач-нуцал I	1485 - 1510	МухӀамадмирзал вас
ГӀамирхӀамзат-нуцал	1510- 1540	Булач-нуцалил вас ГӀума-нуцаласул вас
Нуцалхан Ӏ	1540 - 1546
ГӀандуникӀ-хан ӀӀ	1546 - дек. 1569
АхӀмад	1569 - 1577
ТӀурарав	1577—1578
МухӀаммад-Шамхал	1578—1589	Нуцалханасул вас Турарасул вас
Канбулак-хан	1589—1595	цеве рехсарасул вас
Шамхалхан I	1595—1596	цеве рехсарасул вас
Ибрагьим II	1596—1605
Магьдихан	1605—1514	вас МухӀаммад-Шамхал
Барти-КӀилъилав	1614—1620	ГӀандуникӀ-ханасул II вас Бартил вас КӀушкӀантӀи-КӀилъиласул вас МухӀамадханасул вас,
ГӀумахан I	1620—1634	Шамхалхнасул вас
ГӀамир ХӀамзат-хан I	гӀ. ш. 1634—1646	Барти-КӀилъиласул вас
Молдамирза	1646—1650
МухӀамад-хан I	1650—1656	Барти КӀилъиласул
Дугрихан II	1656—1668	ГӀумаханасул I вас
МухӀамад-хан II	1668—1688	цеве рехсарасул вас
ГӀумахан II	1688—1699	цеве рехсарасул вас
ГӀандуникӀ-хан III	1699—1706	цеве рехсарасул вас
Дугърихан III		цеве рехсарасул вац
ГӀумахан III	1706—1707	яги КӀудияв Булач, Дугъриханасул III вас вукӀана
МухӀамад-хан III	1707—1722	цеве рехсарасул вац
ГӀумахан IV	1722—1735	Турурасул вас, Туралазул тухумалдаса
Анкалхан	1735—1740
Нуцалхан II	1740—1744	ГӀумаханасул IV вас
МахӀмудхан	1744—1765
Файл:МухӀамад-нуцал IV БахӀарчияв.jpg МухӀаммад-нуцал IV БахӀарчияв	1765—1774	Булачил ГӀумаханасул вас
ГӀумахан V КӀудияв	1774—1801, апрел	цеве рехсарасул вас
Гебек-хан	1801—1802, январ	цеве рехсарасул вас
СултӀан АхӀмад-хан	1802—1823	ГӀалисултӀан Мехтулил вас, Бахубикал рос
Сурхай-хан I	1818—1834	Гебек-ханасул вас
Аслан-хан I	1827—1828
Абу СултӀан-хан	1827—1834	СултӀан АхӀмадханасул вас
Баху-бика♀	1834	ГӀумаханасул V яс
МухӀамадмирза	1834—1837
1837—1859 саназда Авар нуцалъи букӀана Хьундасеб Кавказалъул имаматалда гъорлъ
Ибрагьим-хан Мехтулиса	1859—1863	СултӀан АхӀмадханасул вас
1864 соналдаса байбихьун Авар нуцалъи ана Россиялъул империялде гъорлъе

Комментариял

^ Мисалалъе, «нуцияв» термин буго рехсон 1761 соналъ Аваристаналъул къади Макъсудица гьабураб хъвай-хъвагӀиялъулъ

ХӀужжаби

^ МухӀамад Рафи, "Дагъистаналъул тарих"
^ Краткий исторический взгляд на северный и средний Дагестан до уничтожения влияния лезгинов на Закавказье. Отрывок из рукописи полковника Неверовского. СПб. 1848. с. 33–34.
^ Криштопа А.Е. О возможном происхождении титула нуцал (гІурус).
^ Криштопа А.Е. Дагестан в XIII — в начале XV вв. (гІурус).
^ Хрестоматия по истории права и государства Дагестана в XVIII–XIX вв. Ч. II. С. 6–7.
^ ХӀапизилазул М-дил Ш. КӀудияв ГӀумахан (гІурус).

Адабият

"Дагъистаналъул Тарих", т. 1, М., 1967;
ГъазимухӀамадов И. А. Правители Ункратля и Киялала : моногр.. — МахӀачхъала : Изд-во Эпоха, 2015. — 268, [б/н 4] с. — 1500 экз.
МухӀамадов Р. М., "Дагъистаналъул Тарих", МахӀачхъала, 1961.
Сычев Н.В. Книга династий. М., 2008. с. 637-638.

Линкал

http://as-sarir.ru/ Archived 2013-08-19 at the Wayback Machine
http://www.hrono.ru/land/landa/avar_han.php
http://a-u-l.narod.ru/DIS_Tarih_Dagestan_Muhammadrafi.html Archived 2014-07-15 at the Wayback Machine

[5] Мисалалъе, «нуцияв» термин буго рехсон 1761 соналъ Аваристаналъул къади Макъсудица гьабураб хъвай-хъвагӀиялъулъ

[1] МухӀамад Рафи, "Дагъистаналъул тарих"

[2] Краткий исторический взгляд на северный и средний Дагестан до уничтожения влияния лезгинов на Закавказье. Отрывок из рукописи полковника Неверовского. СПб. 1848. с. 33–34.

[3] Криштопа А.Е. О возможном происхождении титула нуцал (гІурус).

[4] Криштопа А.Е. Дагестан в XIII — в начале XV вв. (гІурус).

[6] Хрестоматия по истории права и государства Дагестана в XVIII–XIX вв. Ч. II. С. 6–7.

[7] ХӀапизилазул М-дил Ш. КӀудияв ГӀумахан (гІурус).

[1]

[2]

[3]

[4]

[a]

[5]

[6]