Рехъеб

Рехъе́б (рехъби́л), яги жема́ло (латин: Convōlvulus) буго Convolvulaceae хъизамул^[1] тӀогьолал рижунжалазул космополитаб тӀибитӀи бугеб тухум, жиндилӀ гӀагарго 200-даса^[2] 250-де^[3]^[4] щвезегӀан регӀ бугеб.

Этимология

Рехъе́б [req:éb] (рехъби́л) абураб рагӀул этимология жеги чӀезабун гьечӀо, хӀо жема́ло [žemá-lo] абураб рагӀи бачӀана же́мизе абураб рагӀудаса (тӀогьол женжедулеб хасият малълъун), -ло суффиксалъул квекудалъун.

Диалектазда

Диалектазда рехъе́б рагӀул руго гьадинал формаби: рехъе́б (рехъби́л) (гӀанд. сал., куд.; анц. бугьн.), рехе́б (рехби́л) (гьид.; гӀанд. кӀкӀуяд., сугъ., ругъ., хьинд.; щул.), рехе́п (рихпи́л) (бацӀ., чӀохъ.), рехъе́м (рихъми́л) (гӀанд. бугьд.), мерхъре́, мирхъ (ми́рхъул) (анц. тӀом.), михъи́хер (анц. таш.), нехъе́б (анц. анцӀр.), рехе́н, рехе́м (рехми́л) (кул.), рехе́н (рахна́л) (къел.), рихъе́н (къар., тӀ.-къар.), рехъе́н (бакълъ.).

Жема́ло рагӀул вариантал: жемжемраб тӀегь, жемардутӀегь (анц.), же́мультӀегь (центр.), цинги гьидаб жехъе́л букӀине ккола кӀикомпонентияб.

ГӀагарал гӀанди мацӀазда

ГӀанди мацӀазда «рехъеб» абураб гьесел кьола: гӀахьв. ахъе́, чӀам. ахъи́лв, тӀинд. ахъа́р, багв. ахъи́л, гъод. ахъи́л, кӀкӀаратӀ. ахъа́ла.