ЦӀадаса ХӀамзат

Википедия — эркенаб энциклопедия сайталдасан материал
Перейти к навигации Перейти к поиску
ЦӀадаса ХӀамзат
Файл:Гамзат Цадаса и Расул Газатов.jpg
Гьавураб къо-моцӀ 9 августа, 1877
Хвараб къо-моцӀ 11 июня, 1951 (73 сон)
Миллат Аварав
Эмен Юсупил МахӀама
Лъимал ХӀамзатил Расул ХӀамзатил ХӀажи
Адабияб гьунар
Пишаялъул тайпа
  • ШагІир
  • прозачи
  • публицист
  • жамгІияв ва сиясияв хъулулухъчи
  • таржамачи

ХӀамзат ЦӀадаса (гІур. Гамзат Цадаса; 1877 - 1951), магIарулазул шагӀир, Дагъистаналъул АССРалъул Халкъияв шагӀир (1934), публицист ва сиясатчи. Гьев гьавуна 1877 соналъул 9 августалда Хунзахъ мухъалъул ЦІада росулъ - хвана 1951 соналъул 11 июналда МахӀачхъалаялда.[1]

ГIумрудул баян[хисизабизе | код хисизабизе]

Гьев гьитIинго бесдаллъана, эмен хведал гьесул 7 сон букIана, гьитIинго камуна эбелги. Гьев цIалана мадрасаялда ва лъабго соналъ хIалтIана имамлъун ЦIада росулъ. 1917—1919 соназ хIалтIана Хунзахъ мухъалъул шаргIияб махIкамаялда. 1921—1922 хIалтIана «БагIарал мугIрул» джаридаталъул бетIерав мухбирлъун, гьениб загьирлъана ХӀамзатил шагIирчиясул гьунарги.

Адабият[хисизабизе | код хисизабизе]

Файл:Памятник Гамзату Цадаса Махачкала.jpg
МахӀачхъалаялда ЦӀадаса ХӀамзатил памятник

ТIоцебесеб кечI "ГIалибегил гьве" хъвана I4 сон барав ХӀамзатица. Гьес жиндирго шигIрабазулъ махсаруялдалъун хъватIир чIвазарулаан доб заманаялъ рилъанхъун рукIарал гIадатал, бечедал бегавулазул, ричарухъабазул, муллабазул гIумру-яшав.[2] Гьесул шигIрабазул тIоцебесеб мажмугI "ГIадатазул жул" къватIибе биччана 1934 соналъ. Гьебго соналъ гьесие щвана тIоцебе Дагъистаналъул АССРалъул Халкъияв шагӀирасул цIар - щапакъатги.

Щапакъатал[хисизабизе | код хисизабизе]

  • Дагъистаналъул АССРалъул Халкъияв шагӀир (1934)
  • БагIараб захIматчагIазул байрахъалъул орден (31.01.1939)
  • «Кавказ цIунаралъухъ» медаль
  • «КIудияб ватIанияб рагъда гIахьаллъаралъухъ 1941—1945» медаль
  • Ленинил орден (22.02.1944) — хъвадарухъанлъиялъул 50 сон тIубаялъе
  • Ленинил орден (1947) — гIумрудул 70 сон тIубаялъе
  • Сталинил премия II даражаялъул (1951)
  • Дагъистаналъул АССРалъул пачалихъиял грамотаби

ХӀужаби[хисизабизе | код хисизабизе]

  1. Дагестанский актер предложил огородить от толпы могилу Гамзата Цадасы
  2. Гамзат Цадаса "Сказка о зайце и льве".

Линкал[хисизабизе | код хисизабизе]


тIинчI Гьаб макъала буго тIинчI, ва гьaб жеги хIадур гьечIо.
Гьабе кумек Википедиялъе, битIизабе ва гьалде тIаде жо жубай.