Гъизлярка

Википедия — эркенаб энциклопедия сайталдасан материал
Перейти к навигации Перейти к поиску
Гъизляралъул коньякалъул заводалъ биччалеб цlолбол гlаракъи

ГъизляркаДагъистаналъул шагьар Гъизляралда бахъулеб цIолбол гIаракъи. Гъизлярка къватlибе биччала Гъизляралъул коньякалъул заводалъ.

Гьабулеб къагlида[хисизабизе | вики-текст хисизабизе]

Цlолбол бахъараб спирт тlола хассал чирмакъолобахъе тlагlамги кьерги босизегlан. Хадуб тlаде жубан чакаргун биччала гIаракъи[1], 40-45 % къвакlиялъул[2]. Гъизлярка гьабула лъабго батlияб тайпаялъул: 1) «ХIакъикъияб» — 40% къвакlиялъул мехтел чирмакъолобахъ кквечlеб; 2) «Гlадатияб» — анкьго моцlалъ чирмакъолобахъ ккураб, 40% къвакlиялъул мехтел; 3) «Хераб» — 18 моцlалъ чирмакъолобахъ ккураб, 45% къвакlиялъул мехтел[3].

Тарих[хисизабизе | вики-текст хисизабизе]

Жуламул гьабураб «Гъизлярка»

Тlоцебе цIолбол гIаракъи Гъизляралда бахъизе байбихьана 1657 соналъ. 1731 соналдаса нахъе Гlурус пачалихъалда бахъараб пихъил мехтелалда абула гъизляралъул гlаракъи яги гъизлярка абун[4][5][6][7]. Цlолбол гlаракъи гьабизе Гъизляралъул чогърохъабазда малъана Французаз[8]. Гьеб гlаракъи бахъизе гlилалъун ккана квешаб хасияталъул чагъир[8]. Чагъир гьекъолезе гъизлярка бокьана цlикlкlун ва гьелдаса нахъе гъизляралъул гlаракъи машгьурлъана тlолго дунялалда. Гъизлярка бахъизе хlалтlизабула багIараб тlерский абураб цlибил[9].

Чагlир-гlаракъи бахъулеб заводалъул нухмалъулев П. Н. Суровикинасул хlукмуялда рекъон, гъизлярка кlудиял къадаразда бахъизе байбихьана 1810-1815 сонаца. 1812 соналъул Ватlанияб рагъуе гlоло, хъвалеб буго Суровикинас, гьукъун букlанила къватIисел улкабаздаса чагъир баччизе. Гьелъие гlолон гъизляралъул гlаракъи машгьурлъана Гlурус пачалихъалда[10]. Цоги гъизлярка машгьурлъиялъе гlилалъун ккана учузаб багьа батlиял улкаязул чагъиралде дандеккун[8].

«Чагъир бахъиялъул кьучl» абураб, 1897 соналъ хъвараб гIелмияб хIалтIул автор А. Е. Саломоновас бицунеб буго: «Кутакалда лъикlаб хасияталъул гlаракъи бахъулеб букlана Гъизляралда. Гъоркьияб Новгородалда ва тlолабго Гlурус пачалихъалда гьеб лъалаан "Гъизлярка" абун. Французазул гlаракъилде данде гьабизе бегьулеб мехтел букlана»[11].

1893 соналъ тIолго дунялалъул цебе лъеялда, Америкаялъул шагьар Чикагоялда, гъизляркаялъе щвана мазгарул медал ва хlурматалъул грамота[12].

Адабияталда рехсей[хисизабизе | вики-текст хисизабизе]

Гlурусазул хъвадарухъан Никlолай Лесковас «Левша» абураб къисаялда рехсолеб буго гъизлярка: «Платовас щибго абичlо пачаясда, жиндирго цIутIараб мегlер буртинаялъги бахчун, гьев ана рокъове. Хъулухъалъе тарав солдатасе гьес буюрухъ кьуна хъаба цlураб гъизлярка босеян. Гьекъон цо цlураб стакангун, буртинаги тlаде бачун хъванхъвадилаго кьижана...»[3].

ХІужаби[хисизабизе | вики-текст хисизабизе]

  1. Нина Волкова Винная карта туриста  (гІурус). Strana.ru (5 Январь 2017). Проверено 12 Ноябрь 2018.
  2. Людмила Викулова Сколько градусов может быть у водки?  (гІурус). Аргументы и факты (14 Январь 2018). Проверено 12 Ноябрь 2018.
  3. 3,0 3,1 Кулинарная энциклопедия. Том 12. К (Кашови – Кишмиш). — ЛитРес, 2017. — Т. 12. — 140 с.
  4. Книга о водке / Ю. Г. Иванов. — Смоленск, 1995. — С. 15—16.
  5. Романов С. История русской водки. — М., 1998. — С. 102.
  6. Шапкин И. И. Отечественное предпринимательство: Очерки истории. — М., 1995. — С. 80.
  7. Калинин В. Д. Из истории питейного дела в России (XV — начало XX в.). — М., 1993. — С. 9.
  8. 8,0 8,1 8,2 Гарунова Нина Нурмагомедовна. К вопросу о появлении «Кизлярской водки» в низовьях Терека в XVIII-XIX веках (гІурус) // Вопросы южнороссийской истории. — Махачкала. — № 18.
  9. Похлебкин В. В. История водки. — М.: Центрполиграф, 1997. — С. 23.
  10. Голубев Р. И. Флагман коньячного производства России. — Кизляр, 2001. — С. 59.
  11. Саломон А. Е. Виноградарство и погребное хозяйство // Основы виноделия. — Одесса. — 1897. — С. 188.
  12. Кадиев Д. К. Развитие виноградарства и виноделия в Дагестане в 70-80-е годы XX в.. — Махачкала, 2007. — С. 89.

Адабият[хисизабизе | вики-текст хисизабизе]