Перейти к содержанию

Гъизляралъул конякалъул завод

Википедия — эркенаб энциклопедия сайталдасан материал
(«Гъизляралъул коньякалъул завод» гьумералдаса гьанибе буссинабуна)


Гъизляралъул конякалъул завод — дуниял-гIаламалда цIар рагlараб, Гlурус пачалихъалъул коняк-гIаракъи гьабулеб завод. Гlурус пачалихъалда ругель щуго бищун кlудиял коньяк гьабулел заводазул цояб[1].

Тарих

[хисизабизе | код хисизабизе]

Россиялъул империя

[хисизабизе | код хисизабизе]

XVIII векалъул кlиабилеб бащалъялдаса байбихьун, цIолбохъанлъиги ва чагъир бахъиги, Гъизляр ракьалда букlана магIишаталъул бетlерияб бутIалъун[2][3].

1880 соналъ, гуржиязул гIалимчи ва капиталист Давид Сараджашвилияс ричун росула Измировасухъаги, Аращевасухъаги ва Боровасухъаги Гъизляралда рукlарал гlисинал чагъир бахъулел цехал. Гьел цехалги цолъизарун Сараджашвилияс гlуцlцlула Гъизляралъул коньякалъул завод[4][5]. Сараджашвилияс, тlолго Россиялъул империялда тlоцебе байбихьула цIолбол спирт кавказалъул мугlрузул миккил гъотlол гьабурал чирмакъолобахъги ккун коньяк гьабизе[6][7]. Завод гІуцІараб сонлъун ккола 1885 сон. Гьеб соналъ Гъизляралдаса Москваялде босун бачIуна 236 гIеретI коньякалъул.

Дунялалъулго тlоцебесеб рагъ байбихьуда, Россиялъул империялда гьукъула спирт гъорлъ бугеб мехтизарулеб гьекъолеб жо. Гьелъ Гъизляралъул коньякалъул заводалда хIалтIи чIезабула[8].

СССР

[хисизабизе | код хисизабизе]
1954 соналъ гьабураб коньяк

1930 соналда байбихьула заводалъул хlалтlи рукlалиде ккезабизе. Гlемерал санал иналдего, байбихьула кIудияб ватIанияб рагъ. Рагъул фронталда аскIоса гIебеде бугеб Гъизляралъул коньякалъул завод гочизабула бащадаб Армениялде, бащадаб Гуржиялъе. Гъизляралъул завод хlалтlизе байбихьана 1947 соналда[8].

1940 соналъ байбихьула завод цlилъизабизе. Тlубараб 15 соналдасан, 1955 соналъ заводалъ къватIибе риччала цlиял коньякал ва «кизлярка» абураб цlар араб цlолбол гlаракъи.

Советияб заманаялъ, бащадаб бутlа заводалда биччараб коньякалъул битlулаан батlиял хьукуматазде[8].

ГIурус пачалихъ

[хисизабизе | код хисизабизе]
Производственнияб цехалъул хlалтlи

1990 соналъ завод ижараялъе босун хlалтlизабула «Дагвиноялъ». Гъизляралда ва тlолабго Дагъистаналда коньякал гьаризе цlибил гlунгутlиялъ, заводалъ байбихьула цlибил босизе Испаниялдаса, бачIин бугел санаца Краснодаралъул ва Ставрополалъул ракьаздаса. 1998 соналъ заводалъе щвана французазул сертификат «коньяк» абураб гьекъолеб жо биччазе. Гьеб сертификат щвезегlан, заводалъ жидерго къай улкаялдаса къватIибе баччулаан «бренди» абураб цlаралда гъоркь[9].

1998 соналъ, чачаназул бандаялъул гIахьалаца викъула Гъизляралъул коньякалъул заводалъул нухмалъулев Владимир Григорьянцги ва гьесул хъизанги. 18 моцIалъ гьел рукlана чачанаца ясир гьарун[9][10].

Коньяк «Гъизляр» (2018 сон)

2008 соналда заводалъул бетlерлъун ккана Евгений Дружинин абурав Гъизляр ракьалдаса чогърохъан. Гьесул нухмалъиялда гъоркь завод лъикlго цебе тlуна, пачалихъалъ чIезабураб роценалда заводалъ кьолеб магъало букlана бищунго кlудияб тlолабго Дагъистаналда[11]. Гьебго соналъ заводалъе щвана изну Москваялъул Кремлалде жидерго къайи баччизе[6].

29 январь 2014 соналъ Дагъистаналъул вукlав бетlер Рамазан Гlабдулатlиповас лъазабуна Гъизляралъул коньякалъул завод приватизировать гьабизе кколин. Гьесул хlукму букlана завод учузаб багьаялдеги босун къажаразе хираго бичизе. 2014 соналъул август моцlалда Гlурус пачалихъалъул премьер-министр Дмитрий Медведевас буюрухъ гьабуна Гъизляралъул коньякалъул завод Дагъистаналъухъ нахъги босун федерациялъул бетlергьанаблъун гьабизе[12][13].

Заводалъ биччалеб мехтел

[хисизабизе | код хисизабизе]

Гъизляралъул коньякалъул заводалъ гьарула батlи-батlиял коньякал ва цlолбол гlаракъи. Жакъа къоялде ккун, заводалъ къватlире риччала машгьурал коньякал: «Пётр Великий», «Пять звёздочек», «Три звёздочки», «Кизлярский праздничный», «Россия», «Багратион», «Дагъистан», «Гъизляр», «Лезгинка», «Император Всероссийский» ва «Сараджев». Гьединго заводалъ гьабула цlолбол гlаракъи «Гъизлярка»[5][14][15][16][17][18].

Нухмалъулел

[хисизабизе | код хисизабизе]

ХІужаби

[хисизабизе | код хисизабизе]
  1. ^ "Крупнейшие производители коньяка в России" (in русский). Коммерсантъ. 2012-03-21. Щвей 2018-10-11.
  2. ^ Кажлаев Али Нажмутдинович. Возникновение и экономическое развитие городов Дагестанской АССР. — Махачкала: Дагестанское книжное издательство, 1971. — Гь. 269. — 329 с.
  3. ^ Ибрагимова Зарема Хасановна. Чеченская история: политика, экономика, культура: вторая половина XIX века / Шпикалов Алексей. — Евразия, 2002. — Гь. 267. — 448 с. — ISBN 5-93494-068-6.
  4. ^ Филиппов Антон. «ОН БЫЛ БЕЗУМНО ОХВАЧЕН ИДЕЯМИ СВОЕГО ДЕЛА…» // Труд. — 2001. — 15 новембер (№ 211).
  5. ^ a b Тинчуев Саид. Сокровища кизлярских коньяков // Пъеътровские ведомости. — 2013. — 27 септембер (№ 23). — С. 6—8.
  6. ^ a b "Кизлярский коньяк: традиционный вкус и верность качеству" (in русский). Комсомольская правда. 2009-09-21. Щвей 2018-10-11.
  7. ^ Яценко Наталья. Коньяк не терпит суеты // Эксперт Юг. — 2009. — 17 август (№ 30—31).
  8. ^ a b c d Лысенко Ю.М. Из истории промышленных предприятий Кизляра // Наука и молодежь: сборник статей. — Махачкала, 2001.
  9. ^ a b c d "В Кизляре скончался всемирно известный винодел, экс-директор Кизлярского коньячного завода Владимир Григорьянц" (in русский). Сайт Администрации МО «Город Кизляр». 2016-07-28. Архивация оригинал (2017-11-10). Щвей 2018-10-11. {{cite web}}: Invalid |url-status=хвараб (help)
  10. ^ Фатуллаев Милрад. Кизлярскому коньячному заводу объявлена тотальная война (ru) // regions.ng.ru. — 2001.
  11. ^ Хайруллин Марат (2014-04-21). "Уголовные парадоксы Рамазана Абдулатипова" (in русский). Наша версия. Щвей 2018-10-11.
  12. ^ "Кизлярский коньячный завод в Дагестане передан в федеральную собственность" (in русский). Кавказский узел. 2014-08-30. Щвей 2018-10-11.
  13. ^ Каниев Рустам (2014-09-01). "Кизлярский коньячный завод стал федеральной собственностью" (in русский). РИА «Дагестан». Щвей 2018-10-11.
  14. ^ Велибекова Л. А. "РАЗВИТИЕ ВИНОГРАДНО-ВИНОДЕЛЬЧЕСКОГО ПОДКОМПЛЕКСА ДАГЕСТАНА НА СОВРЕМЕННОМ ЭТАПЕ". rusnauka.com (in русский). Щвей 2018-10-11.
  15. ^ Гарунова Нина Нурмагомедовна. К вопросу о появлении «Кизлярской водки» в низовьях Терека в XVIII-XIX веках // Вопросы южнороссийской истории. — № 18.
  16. ^ Иванов Александр (2010). "С выдержкой 125 лет" (in русский). Дагестанская правда. Архивация оригинал (2018-10-11). Щвей 2018-10-11. {{cite web}}: Invalid |url-status=хвараб (help)
  17. ^ "Кизлярский завод выпустит 35-летний коньяк к собственному юбилею" (in русский). Это Кавказ. 2015-9-18. Щвей 2018-10-11. {{cite web}}: Check date values in: |date= (help)
  18. ^ "Кизлярский коньячный завод выпустит коньяк 35-летней выдержки" (in русский). Кавказ сегодня. 2015-9-17. Щвей 2018-10-11. {{cite web}}: Check date values in: |date= (help)

Адабият

[хисизабизе | код хисизабизе]
Босараб бакӀ — «https://av.wikipedia.org/w/index.php?title=Гъизляралъул_конякалъул_завод&oldid=87948»