АхӀмаднабиев, СайгидахӀмадил Исраил

Википедия — эркенаб энциклопедия сайталдасан материал
Перейти к навигации Перейти к поиску
Абу-ГӀумар Саситлинский
СайгидахӀмадил Исраил АхӀмаднабиев
Хъулухъ: Исламалъул дагІватчи, жамгӀияв цевехъан
Гьавураб къо-моцІ: 13 сентября 1980(1980-09-13) (39 лет)
Гьавураб бакІ: ЦӀияб-Сасикь росу
Дагъистан,
РСФСР, СССР
ВатІанчилъи: p27
Эмен: СайгидахӀмад АхӀмаднабиев
Эбел: Зарбат Денгаева
Лъади: 4
Лъимал: 12 вас,
3 яс

СайгидахӀмадил Исраил АхӀмаднабиев (Абу-ГӀумар Саситлинский), (гьавуна 1980 соналъул 13 сентябралъ, ЦӀияб-Сасикь, Дагъистан, РСФСР, СССР) — исламалъул дагӀватчи ва жамгӀияв цевехъан.

Специализация: шаргӀияв диванчи[1].

Хъизан[хисизабизе | вики-текст хисизабизе]

Гьесул эмен вуго СайгидахӀмад АхӀмаднабиевмагӀарул шагӀир, бизнесмен, 9 соналъ ЦӀияб-Сасикь росдал администрациялъул бетӀерлъун вукӀарав. Эбел - Зарбат Денгаева. Исраилил руго 6 вацги ва 1 яц. Гьесул йиго 4 чӀужу ва гьабсагӀаталъ 15 лъимер буго гьесул: 12 вас ва 3 яс.

ЦӀали[хисизабизе | вики-текст хисизабизе]

Росулъ бугеб гьоркьохъеб школа лъугӀизабун хадув Исраил гьенибго бугеб мадрасаялда цӀализе рекӀана.

Лъабго соналдасан, 2000-леб соналъ гьев ана гӀелму лъазабизе Шамалда (Сириялда) ва гьенив Димишкъ шагьаралъул «Абу Нур» исламияб жамигӀалъул гӀараб мацӀ малъулеб бутӀаялде цӀализе лъугьана.

Гьебги лъугӀинабун 2001 с. гьев Димишкъалда бугеб Аль-Азгьар жамигӀалъул «ФатхӀуль-Ислами» филиалада шаргӀияб факултеталда цӀалана. Гьенибго бакалавриаталъул, магистратураялъул ва аспирантураялъул цӀалул программаби лъугӀине гьаруна.

ЖамгӀияб хӀалтӀи-пиша[хисизабизе | вики-текст хисизабизе]

2009 соналъул 13 ноябралъ гьес интервью кьуна «Черновик» газеталъе ва гьениб лъазабуна ЦӀияб-Сасикь росулъ xӀафизазул мадраса рагьизе[1] Лъабго соналдасан, 2012 соналъул 20 октябралъ, гьесул хӀаракаталдалъун рагьана гьеб центр, хӀафизазул мадрасаги ятимазул центрги жинда гъорлъ бачунеб.

Абу-ГӀумар (Исраил) Сириялда. 2013 сон.

2013 соналъ Абу-ГӀумар Сириялда ругел бусурбабазе кумек гьабизе гӀарацги бакӀарун ана гьенив ва бикьана гьеб квен-тӀехалдалъун, парталалдалъун ва цоги-цоги рагъалъ кӀвекӀарал пакъирзабазе къваригӀараб жоялдалъун.[2] Гьелъие ва цоги хӀажатаб бакӀалде гӀарац бакӀарулеб букӀана Дагъистаналда Абу-ГӀумарица гӀуцӀараб ва жив гьелъул бетӀерлъун вугев кумекгьабиялъул «Ансар» фондалъ.

2014 соналъул апрелалъ «Ансар» фондалъул хӀалтӀухъаби ва америкаялдасан дагӀватчи Халид Ясин ана Сомалилендалда анкь бахъизе, гьезда гьоркьо Абу-ГӀумарги.

2013 соналъул сентябралда Туркиялда гьес гӀуцӀана исламияб центр «Мугьажирал»[3].

2014 соналъул 4 февралалъ "Кавказпресс" сайталъ информация кьуна Исраил АхӀмаднабиевасда тӀад «ЖахӀда, тушманлъи, кьал багъаризаби ва инсанасул къадру гӀодогӀан гьаби» 282.2 макъалаялда рекъон уголовнияб хӀалтӀи рагьун бугин. Гьелъие сабаблъун ккана гьес цо вагӀзаялда гӀалавитазул рикьалоялъе лъикӀаб гуреб къимат кьей.

2014 соналъул 27 ноябралъ Истамбулалъул полициялъул бутӀаялда визаялъул хъвай-хъвагӀай гьабизе араб мехалъ Абу-ГӀумар ккуна ва жанив тӀамуна[4]

19 декабралъ гьес жиндирго ВКонтакте сайталда бугеб гьумералда хъвана:

Ракъун чӀейги лъазабун, ахӀи-хӀурги гьабураб мехалъ, бащадал жанир тӀамурал къватӀир реччана. Нижеца абула букӀана ниж гьанир ккун чӀезариялъул гӀила бице-ян, амма тӀубарал моцӀазги гӀадамазе гьеб лъалеб гьечӀо. Туснахъалъул бетӀерлъун йиго чӀужу-гӀадан. Нежехъеги ячӀун сородилаго бичӀизабуна ниж гьанир ккеялъул гӀайибал жал гьечӀин, "система" бугин. Ниж мекъса, зулмуги гьабун гьанир ккун букӀинги доз жедецаго абула буго. Гьанже сабруги гьабун ругоха. Аллагьасда гьарулеб буго диеги цогидал жанир тӀамурал бусурбазеги эркенлъи кье-ян.

Абу-ГӀумар. 19 декабр 2014. Туркия[5]

2015 соналъул апрел моцIалда туснахъалдасан къватIив веччана.

ХӀужаби[хисизабизе | вики-текст хисизабизе]

Линкал[хисизабизе | вики-текст хисизабизе]