МасихӀ гьави
МасихІ гьави яги ГІиса гьави (гІур. Рождество́ Христо́во) — ккола насраниязул гІидаздаса цояблъун, Марям ГІазраица МасихІ гьавураб къо кІодо гьабиялъул мурадалда тІобитІулеб.
Гьеб ккола насраниязул аслиял байрамлъун ва гьеб кІодо гьабула МасихІ гьавиялъул кІал кквеялъул 40-го кІал ккун хадусеб къоялъ. Байтул Макъдисалъул, ГІурусазул, Гуржиязул, Сербазул православияял килисабаз, ва гьединго Украиналъул греказулгун-католиказул килисаялъ гьеб кІодо гьабула 25 декабралъ (7 январалъ) юлианияб календаралда рекъон. КъустІантІиниялъул ва хутІарал православиял килисабаз кІодо гьабула 25 декабралъ цІиябюлианияб календаралда рекъон.