Латив
Лати́в, лати́в паде́ж (къокъго lat/лат), яги жи́нде паде́ж ан абула цо кин букӀаниги бакӀалде ине букӀин жинца бихьизабулеб, жибго аслиял падежаздасан лӀугьунеб, падежалде. Ингилис мацӀалда гьелъул магӀна кьола Ӏn гин Ӏnto препозициябаз.
Авар мацӀалда гьеб лӀугьуна аслиял падежазде дативияб -е суффиксги жубан.
ХӀалтӀизаби
[хисизабизе | код хисизабизе]- БукӀинесеб вербалде жинда падежалъул (Ӏ-себ локативияб серия) латив (-л-де формалда) жубани, ккураб мех щвелалде гьабураб иш жинца бихьизабулеб постериорияб конверб (PosterӀor converb) лӀугьуна: тӀу́р-изе — тӀу́р-ила — тӀу́р-ила-лде, и́не — и́на — и́на-лде гин гь.ц.
- Жиндихъ падежалъул (ӀӀ-б локативияб серия) лативалде (-хъ-е формалде) эмфатикияб -го суффикс жубани, лъихъего абураб суалалъе жаваблъун бачӀунеб адвербги лӀугьуна: гӀа́нкӀи-хъ-е-го («гӀанкӀица гӀадин»), хъа́зи-хъе-го («хъазица гӀадин»).
- ГIандалазул диалекталда жинда падежалъул -д- суффиксалдалъун лӀугьараб латив инфинитивалъул суффикслъун хӀалтӀизабула: лит. квача́-зе – гIанд. квача́-де.