Анталия

Анталия (тур. Antalya) — шагьар, курорт ва ралъдал порт Туркиялъул жанубалда (югалда) бугеб. Гьебго цӀаралъул илалъул административияб центр, ралъдал уровеналдаса 30 метраялъул борхатлъиялда бугеб. Шагьаралда гӀумру гьабулеб буго 1 073 794 чияс (2012 с.), амма риидал гьеб къадар бахуна 2 миллион чиясде, щайгурони гьенире рачӀуна гӀемерал туристал. Анталия бикьун буго кӀийиде: цӀияб ва басрияб.