Троназул хӀай (телесериал)

Троназул хӀай (инг. Game of Thrones) — фэнтезиялъул жанралда бугеб американ телесериал, жибги Джордж Р. Р. Мартинил "ЦӀорол ва цӀадул кечӀ" романазул циклалъулд адаптациялъун бугеб. Сериал бахъун буго Дэвид Бениоффил ва Д. Б. Уайссил нухмалъиялда гъоркь HBO кабелалъулаб телеканалалъе. Сериал бахъи букӀана чанго пачалихъалда: КӀудияб Британиялда (Шималияб Ирландия), Канадаялда, Малтаялда, Хорватиялда, лда ва Магърибалда. Цолъарал Штатазда тӀоцебесеб сезоналъул премйера букӀана 2011 соналъул 17 априлалда, финалияб сезоналъул ахирисеб версия демонстратинабулеб букӀана 2019 соналъул 9 маялда. Кинабниги бахъун буго 73 эпизод, микьго сезоналде бикьараб.

"Троназул хӀаялъул" лӀугьа-бахъин буго унеб ургъун бахъараб дунялалда: Вестерос ва Эссос континентазда, жал гьоркьохъел гӀасрабазул Европаялда релълъарал. Сериалалда гӀахьаллъулел руго гӀемерал персонажал ва кӀудияб актёразулаб руккел, унел руго чанго сюжетиял мухъал. Аслияб сюжеталъулаб арк буго лъабго. ТӀоцебеселда буго Вестеросалъул Анкьго Къиралаталъул Маххул Троналда ва гьелда сверун ругел ссий бугел рукъазда— яги гьеб таж щвезе къваригӀун къеркьолел, яги гьелда вугесда рачӀолъиялъе кьеркьолел — гьоркьоб политикияб конфликт. КӀиабилеб буго къиралаталъул тахидаса рехараб наслуялъул ахирисей ирсилай, жий Эссосалде йитӀун йикӀарай ва жинда трон нахъбуссинабизе ракӀалда бугей Дейенерис Таргариенил хӀакъалъулӀ. Лъабабилеб буго Вестеросалъул шималияб гӀорхъода нахъаса бугеб хӀинкъиялдаса къиралатал цӀунулеб рагъулаб орден, Сардил хъаравуллъиялъул хӀакъалъулӀ. Сериалалда рорхулел руго зулмуялъулги ватӀаначилъияб рагъалъулги, жамгӀияталда руччабазулги сексуалиял дагьбутӀабазулги позициялъулги, социалиял гьоркьоблъиязда хъизаналъул ва килисаялъул ролалъул суалал. Сериалалъе хасиятаб буго чӀван-къотуӀун позитивиял персонажал гьечӀолъи, гӀемерисел гьерояз гьабизе бегьула дагӀбаяб гӀамал, экраналда ралагьунчагӀазе тохлъукье гьероял хвезе бегьула. Сериалалда руго фантастичекиял чӀагожал — аздагьаби ва къехӀал. Сериалалъе хас гьабун бахъун буго ургъарал мацӀал: дотрак, тӀадегӀанаб валир ва гьелъул чанго диалект.

Телесериалалъе щвана ралагьунчагӀазул аудиториялъ рорхатал къиматал, гьедин гьеб лӀугьана гьанжесеб американияб телевизионалъул бищун бюджет кӀудиял проектазул цояблъун ва фэнтези жанралъул бищун багьа цӀикӀкӀараблъун, — гӀемерисел критиказ ненормативияб лексика, чӀвай-хъвейлъуо натуралистикиял сценаби, эротикиял сценаби и сексуалияб характералъул ракка-рахъиял тӀасанккун гӀемерал ругилан рикӀкӀаниги. "Троназул хӀаязда" сверуд лӀугьана гӀатӀидаб фан-жамгӀият. Сериал мустахӀикълъана гӀемерал престижиял шапакъатазе, гьезда гъорлӀ 38 Праймтаймов Эмми шапакъат батӀи-батӀиял номинациязда (кинабниги 59 премия; гӀемерисеб — драматикияб сериалалъухъ 2015, 2016, 2018 ва 2019 соназ); лъабцӀул мустахӀикълъана «Хьюго» премиялъе бищун лъикӀаб презентациялъухъ, Пибодил премилъе.

Питер Динклидж, жинца Тириона Ланнистерил роль хӀарав, ункъцӀул мустахӀикълъана удостоен "Эмми" премиялъе кӀиабилеб планалъул бищун лъикӀаб чиясулаб ролалъухъ ва "Меседил глобус" премиялъе за кӀиабилеб планалъул чиясулаб ролалъухъ. ГӀемерисел басмаяз,гьездаго гъорлӀ Buzzfeed, Screen Rant ва Фантастикаялъул дунял, "Троназул хӀаял" лъазабуна 2010-л соназул аслияб сериаллъун. ГӀемерал критиказ ва басмаяз гьеб шоу рикӀкӀана тӀолго заманалъул бищун лъикӀал телесериалазул цояблъун. Сериал лӀугьан Мартинил асасазда гӀуцӀараб медиафраншизаялъул кӀвар бугеб бутӀалъун. 2017 соналдаса хӀалтӀи гьабулеб буго гьелъул спин-оффазда тӀад.

КъватӀисел регӀелал

• hbo.com/game-of-thrones — расмияб сайт Троназул хӀай
• Халип:IMDb title
• Game of Thrones Viewer's Guide
• Making Game of Thrones