ГӀачӀан

ГIачIа́н, яги кьакьа́, яги ракьу́гIеч, яги топи́намбур (латин: Heliánthus tuberósus) – гIемерсаназул къваликьолел рижунжалазул регI. Бакъдебуссил регӀ ккола, жибго централияб Америкалдаса бачӀараб.^[1]^[2]

Этимология

Авар гIачIа́н дандеккола бежтӀадерил гӀечӀ «чакармуцӀи»-гун (< инс-цез *ʔeč̣), чачан. эрз «чакармуцӀи» (< инс-нах *ʔerc̣), киналго гьел инс-кавказияб *ʔărć̣_V «кинаб букӀаниги муцӀи, чакармуцӀи» кьолботӀе руссуна. Авар формалъул рефлексал регулярияллъун рикӀкӀуна: *ʔ ➝ ʕ/ʔ/∅, *-ă- ➝ a/e, *ć̣ ➝ č̣, цинги аваралъул -am абураб ботаникияб суффикс буго (брц. жула́н < žul-ám), хвалисаб кьочӀолӀ кин борцаниги m баккула: гӀачӀа́мул (хас. пад.).^[3] Ракьу́гIеч абураб рагIи лӀугьун буго ракь гун гIеч абурал рагIабаздалъун, гьенисан кьола магӀна «ракьулI [букIунеб] гIеч». Интернационалияб «топинамбур» лIугьана бразилиял индейцазул тупинамба абураб тайпадул цIаралдасан, гьезда цадахъго Франциялдеги XVII гI. бачIараб (фр. topinambour, порт. topinambur).^[4]

Ботаникияб сипат-сурат

Бицатаб, керчаб цинги гъваридаб кьолбол система. Ракьукь кколел тIирщазул лIугьуна квание хIалтIизарулел къулби (хъахIал, виолетиял, багIарал), жидер мегI хъапустIадул хIокIилалда яги талгамуда релълъарал.

ХIуби букIуна цIанбитIараб, щулатаб, 40 см-даса 4 м-алде щвезегIан бахунеб, тIасан тIерщараб, гIаркьахараб, гIисинал расаз хъупизабураб.

МугъчӀваял

^ "Helianthus tuberosus". County-level distribution map from the North American Plant Atlas (NAPA). Biota of North America Program (BONAP). 2014. Щвей 26 Април 2019.
^ "Helianthus tuberosus". Germplasm Resources Information Network. Agricultural Research Service, United States Department of Agriculture. Щвей 11 Декембер 2017.
^ Старостин, Сергей. "*ʔărć̣_V". The Tower of Babel.
^ Graham, Peter. "Chez Gram". Щвей 17 Фебруар 2018.

КъватӀисел регӀелал

Инглисалда:

Helianthus tuberosus – Plants for a Future database
Jerusalem artichoke – Ohio Perennial & Biennial Weed Guide
NutritionData, Complete nutritional info.
Purdue University Alternative Field Crops Manual: Jerusalem Artichoke

[BONAP-1] "Helianthus tuberosus". County-level distribution map from the North American Plant Atlas (NAPA). Biota of North America Program (BONAP). 2014. Щвей 26 Април 2019.

[grin-2] "Helianthus tuberosus". Germplasm Resources Information Network. Agricultural Research Service, United States Department of Agriculture. Щвей 11 Декембер 2017.

[Старостин-3] Старостин, Сергей. "*ʔărć̣_V". The Tower of Babel.

[4] Graham, Peter. "Chez Gram". Щвей 17 Фебруар 2018.

[1]

[2]

[3]

[4]