ГІалиев, МухІамадил ГІадалло

Википедия — эркенаб энциклопедия сайталдасан материал
КӀанцӀизе: навигация, хъирщизе
ГІалиев ГІадалло
ГІадалло
Гьавураб къо-моцІ:

15 февралалъ 1933(1933-02-15)

Гьавураб бакІ:

ГІурада, Шамилил мухъ

Хвараб къо-моцІ:

30 августалъ 2015(2015-08-30) (82 соналъ)

Хвараб бакІ:

МахІачхъала

ВатІанчилъи:

СССР, Россия

Хъулухъ:

прозаик, поэт, публицист

ХІалтІабазул мацІ:

магІарул

© Гьав авторасул хІалтІаби эркенал гьечІо

ГІадалло ГІалиев (гь. 1932 соналъул 15 февралалъ, Шамилил мухъалъул ГІурада росулъ - хв. 2015 соналъул 30 августалъ МахІачхъалаялда) - Дагъистаналъул ва магӀарул шагӀир, хъвадарухъан. Прозаик ва публицист. Дагъистаналъул ва Ичкериялъул халкъазул конгрессалда Шамил Басаевасул наиб.

ГІумрухъвай[хисизабизе | вики-текст хисизабизе]

Дагъистаналъул тарихчи ГІаламуддин Шайхилавияс ГІадалоца бицун гьесул рокъоб хъвараб, шагIирасул гIумрухъваялдаса цо бутIа

ГІадалло гьавун вуго 1933 соналъул октябрь моцIалъ, амма халкъалда гьоркьоб тIобитIараб къо-моцI рагIула гьесул паспорталда мекъи хъварал баянал.

Дагъистаналъул тарихчи ГІаламуддин Шайхилавияс ГІадалоца бицун гьесул рокъоб хъвараб, шагIирасул гIумрухъваялдаса цо бутIа буго гьаб рагIалдехун бугеб сураталда. Гьениб хъван буго:

Сасикьа тарихчи ГІаламуддин Ш. даптаралдаса:

8 мухIаррам 1434 соналъул Хамиз сордо, ГIурадаса ГIадаллол рокъоб. Барзик ГIабдуллагьил (гIага-шагарго 1796 с. гьавурав) вас ГIалил вас МухIамадгIалил вас ГIалил вас МухIамадил вас ГIурадаса Гьидалъев ГIадалло, гьавуна кьучIаб баяналда рекъон 1933 соналъул октябрь моцIалъ, амма паспорталда хъван бугеб тарих мекъи буго. Гьаб кинабго буго жиндирго ГIадаллол кIалдисан хъвараб. Гьабги хъвана ГIадаллол рокъоб ГIаламуддин Шайхилавияс

Машгьурлъана магӀарул шигӀруялъул классик ва гьанжесеб Дагъистаналъул сиясатияб гІуцІиялъул критик гӀадин. Гьесул хӀисабалда гьелъ дагъистаналъул халкъалда тӀад босун буго деэтнизациялъул ва деисламизациялъул курс. КъахІибалъул гьоркьохъеб школа лъугІизабун хадуб (1949 с.), гьев Дагъистаналъул педагогияб институталъул заочнияб бутӀаялде лъугьуна. Байбихьулелал классазул мугІалимлъун хӀалтӀана. Черхалъе захӀматал ругънал ккезарунилан 5 соналъ жанивги тӀамуна. Амнистиялдалъун (Сталин хвеялъул хӀисабалда) къватӀиве виччана. Школалъул гӀелалда байбихьана кучӀдул ва асарал хъвазе. «БагІараб байрахъ» газеталде хӀалтӀизе ахӀун вукӀана. 1957 соналъ Москваялда М.Горькиясул цӀаралда бугеб адабияталъулаб институталде лъугьана цӀализе. Гьеб лъугӀизабун хадуб, 1965 с. «Знание» ЖамагӀаталъул референтлъун, «Лачен», «Гьудуллъи» журналазул, «Исламалъул нух», «Кьоял» газетазулги редакторлъун хӀалтӀана. 1990 соналъ Дъагъистаналъул Хъвадарухъабазул Союзалъул магӀарул секциялъе бетӀерлъи гьабуна. 1992 соналъ сиясатиял гӀиллабаздалъун СССРалъул Хъвадарухъабазул Союзалдасан къватӀив ана ва Дъагъистаналъул Хъвадарухъабазул Союзалда хӀалтӀи тана.

Творчествоялъул аслиял хӀалтӀаби[хисизабизе | вики-текст хисизабизе]

  • «ЦӀадул хӀинчӀ»
  • «Балъгоял кагътал»
  • «Алмазное стремя»
  • «Воспоминания о любви»
  • «ГодекӀан»
  • «Живой свидетель»

20 ялдасан цӀцІикІкӀун асарал музыкаялда росун руго. Гьаб заманалда къватӀибе бахъизе буго гьесул 7 томалда ругел сочинениял.

Аудиохъваял[хисизабизе | вики-текст хисизабизе]

ГӀадаллоца бицуна буго магӀарул халкъалъул, мацӀалъул, тарих ва маданияталъул.

Адабият[хисизабизе | вики-текст хисизабизе]

  • ГӀадаллогун диалогал. Printed in London. Toadstool Group Ltd 2001 — ISBN 0-582-52317-6
  • С возвращением поэт! — КПФ «Аваристан». Махачкала. 2006
  • Адалло. ТІаса рищарал асарал (Избранные произведения). ТТ. I—II. — КПФ «Аваристан». Махачкала. 2007
  • www.adalloali.ru.

Линкал[хисизабизе | вики-текст хисизабизе]