ВатӀанчилъи

ВатІанчилъи — кинаб бугониги пачалихъалъулги, гьелъул цӏуниялда гъоркь вугев чиясдаги гьоркьоб бугеб щулияб къанунияб хурхен.

Гьеб рагӏул сиясияб магӏнаялъ жаниб бачуна, щибаб пачалихъалъ жиндир рагӏияталъе кьезе кколел хӏукъукъалги гьез пачалихъалъул тӏуразе кколел тӏадкъаялги, амма экономикиябгун социалияб балагьиялда ватӏанчиялъиялъул магӏна ккола, гӏадамазе чара гьечӏого къваригӏунел хӏажатал тӏурай, жодорго ургъалабаздаса гӏаммаб ишазул ургъалабазде гьел ккезетунгутӏи.

Ханлъиялъул пачалихъазда чиясдаги пачалихъалдаги гьоркьоб бугеб бухьеналде ватӏанчилъиян абуларо, гьелде рагІиятчилъиян абула. Ватӏанчилъиялъул гӏаксалда, рагӏиятилъиялъ бихьизабула битӏахъего чиясдаги ханасдаги гьоркьоб бугеб бухьен, тӏубараб пачалихъалдаго гуреб.