Ал-ВахӀиду
Ал-ВахӀиду (гӀараб мацӀалда الواحد). Жив цогояв, ай бутӀабазде викьуларев ва жиндие кӀиабилев гьечӀев.
БутӀабазде бикьулареб жойин абуни, гьеб ккола «атомилан» жинда абулеб, жиб бикьун бачӀунареб зарра. Гьелъул хӀакъалъулӀ абула гьеб цо жо бугилан, ай бикь-бикьун бачӀунареб. ТӀадегӀанав Аллагьги цо вуго, Жиндир заталъулӀ бикь-бикьи букӀине рес гьечӀев. Жиндие кӀиабилеб гьечӀеб жойин абуни, гьеб ккола жинда релълъараб цоги жо гьечӀеб жо, масала, бакъ. Гьеб жиндие черх бугеб жо букӀин хал гьабун бикь-бикьун бачӀине рес бугониги, гьелда релълъараб кӀиабилеб бакъ гьечӀо, амма букӀине рес буго. Вужудалда батани, жиб цогояб, жинда релълъараб тӀокӀаб букӀине ресги гьечӀеб мавжуд (батараб, бугеб), гьелда абула мутӀлакъго жиб цогояб мавжуд абун. Гьевги ккола тӀадегӀанав Аллагь. Лагъзадерида гьоркьоса жив цогоявлъун рикӀкӀуна, жиндиралда релълъараб лъикӀаб пиша бугев чи гӀадамазда гъорлӀ гьечӀони. Амма гьев цо вукӀин буго гьесдаго релълъарал гӀадамазде дандеккунги, гьев вугеб заманалде дандеккунги, гьесулӀ бугеб цо-цо пишабазде дандеккунги бугеб жо. Щайин абуни, цогидаб заманалда гьесдаго релълъарав чи загьирлъизе рес бугелъул. МутӀлакъго цолъун вукӀин цохӀо ТӀадегӀанав Аллагьасе гурого букӀунаро. [1]
→ →
[хисизабизе | код хисизабизе]Примечания
[хисизабизе | код хисизабизе]- ↑ "Аллагьасул берцинал цӀарал, МухӀаммадгӀариф РАМАЗАНОВ" (PDF). Архивация (PDF) оригиналалдаса, 2011-05-01. Щвей 2011-05-01.