Джомолунгма

Википедия — эркенаб энциклопедия сайталдасан материал
Перейти к навигации Перейти к поиску

Джомолу́нгма (тиб. ཇོ་མོ་གླང་མ, чин. гІадат. 珠穆朗瑪峰, бигь. 珠穆朗玛峰, пинйин: Zhūmùlǎngmǎ fēng, палл.: Чжумуланма фэн), Эвере́ст (ингл. Mount Everest), Сагарма́тха (непал. सगरमाथा), Шэнмуфэн (Халип:Китайский) — Ракьалъул бищун борхатаб тІогь (ралъдал гьумералдаса борхалъи 8848[1] или 8850[2][3] метра).

География[хисизабизе | вики-текст хисизабизе]

Гьималаязда Эверест бугеб бакІ

ТІогь буго Гьималаязул Махалангур-Химал балалъ, жиндасан Непалалъулги Тибеталъул автономияб мухъалъулги (Чин) гІурхъи унеб.

Эвересталъул буго ункъцибилаб пирамидаялъул форма, жанубияб гъвел буго цІикІкІун лабалаб. Жанубияб гъвелалда ва хьалбазда гІазу ва фирн чІчІоларо, гьеб сабаблъун гьел рукІуна гІицІал. Шималиябги бакъбаккул гъажабетІералъул борхалъи буго 8393 м. Ахалъиялдаса тІогьалде борхалъи буго гІ.-ш. 3550 м. ТІогь аслияб къагІидаялъ гІуцІун буго гъоркь хутІарал минералаз.

Жанубалдаса Эверес бухьинабун буго Лхоцзегун (8516 м) С юга Эверест соединяется перевалом Жанубияб кьили (7906 м) абулеб мугІрул габурлъиялъ. Шималалдаса лабалго буссараб бегІербалаб Шималияб кьилиялъ (7020 м) Эверест цолъизабун буго Шималияб тІогьгун — Чангзе (7553 м). Бакъбаккуда лабалго батІалъулеб буго гучаб бакъбаккул къед Кангшунг (3350 м). Массивалдаса киналго рахъазде риун рачІунел руго цІерлъенал, жал 5000 метраялъул борхалъуда лъугІулел.

Климат[хисизабизе | вики-текст хисизабизе]

Джомолунгмаялъул тІогьиб къойил гьоркьохъеб температура июлалда букІуна −19 °С, январалда — −36 °C (бегьула гІодобе ккезе −60 °C-ялде). ТІогьалъул борхалъи борхалъул чІвабилъун чвахиялъул гъоркьияб гІорхъода гІадин букІиналъ, сипатал руго тохлъукьего лъугьунел штормал 160 км/с хехлъиялде рахунел гьуралгун рукІунел. Маялъул ахиралдаса сентябералъул бакьулъе щвезегІан букІунеб роол муссоналъул заманалда бала гІазу[2].

Кала-Патхар тІогьалдаса Эверест бихьулеб куц

Борхалъи борцин[хисизабизе | вики-текст хисизабизе]

Джомолунгмаялъул 3D-анимация

Жинца Джомолунгма Ракьалда бугеб бищун борхатаб тІогь букІин чІезабурав тоцевесев чи вукІана Гьиндустаналъул математик ва топограф Радханат Сикдар. 1852 соналъ тригонометриялъул хІисаб-суалалги жал анлхидаса дагь гьечІел обсервациязул хІасилазда щварал баяназул компиляцияги гьабун,гьев вачІана XV ТІогь Ракьалда бищун борхатаб бугилан абураб пикруялде, цебе рикІкІунеб букІараб Канченджанга гуреб. Гьес борцана гІага-шагараб борхалъиги, гьебги ккана битІун 29000 фут (8839 м). Сикдарил хІисаб суалалъул хІасилал расмияб къагІидаялъ басма гьаруна 1856 соналъул марталъ[4].

Нусго соналдасан, 1952—1954 соназ Гьиндустаналъул топографиячагІаз цІидасанги борцана тІогьалъул борхалъи, ва 1955 соналъ географиялъул гІелмуялъ къабул гьабуна гьелъул борхалъи ралъдал гьумералдаса 29028 фут (8848 м) бугеб[5].

1999 соналъ американазул экспедициялъ мухІканлъи цІикІкІараб GPS-алатазул кумекалдалъун баянлъизабуна борхалъи 29035 фут (8850 м) +/- 6,5 фут (2 метра) букІин. 2005 соналъ цогидаб чиналъулаб экспедициялъ баян гьабуна тІогьалъул хъитІалъулаб борхалъи 8844,43 метра гІадин, гьеб къиматгун рази букІинчІо Непал, жинца классикияб къимат 8848 м кколеб букІараб. 2010 соналъ кІиябго рахъ бачІана компромиссалде — Джомолунгмаялъул расмияб борхалъиялъул фиксация гьабуна ралъдал гьумералдаса 8848 метра борхалъи бугеб гІужалда, къвакІараб минераллъиялъул борхалъи буго 8844 м[6]. МегІералъул 8850 метраялъул борхалъи гьедин къабул гьабуна кьучІаблъун геодезиялъул ва картографиялъул гІемерал специалистаз.

Балагьн гьединго[хисизабизе | вики-текст хисизабизе]

ХІужжаби[хисизабизе | вики-текст хисизабизе]

  1. Джомолунгма  (гІурус). Большая Российская энциклопедия. Проверено 15 ноябрь 2019.
  2. 2,0 2,1 Wilfrid (Francis) Noyce, Norgay Tenzing, Barry C. Bishop, John Hunt, Stephen Venables Mount Everest. Encyclopædia Britannica. Проверено 22 декабрь 2018.
  3. Hualiang Lin, Wenjun Ma, Qiyong Liu. . — С. {{{гьумерал}}}. — ISBN 9811325839.
  4. Tanvi Patel This Brilliant Bengali ‘Computer’ Discovered the World’s Highest Mountain Without Ever Climbing It!. Vikara Services Pvt Ltd (November 24, 2018). Проверено 2 апрель 2019.
  5. Indian mathematician Radhanath Sikdar first to identify Everest as highest mountain peak. The Economic Times (Jun 01, 2015). Проверено 2 апрель 2019.
  6. Китай согласился "приподнять" Эверест на 4 метра. BBC (8 апреля 2010). Проверено 2 апрель 2019.

Адабият[хисизабизе | вики-текст хисизабизе]

  • Янгхазбанд, Фрэнсис Эдвард. .
  • Хант, Джон. .
  • Тенцинг Норгей. .
  • Уилфрид Нойс. «Южное седло (Эверест)». М., Мысль, 1975.
  • Фриц Рудольф. «Джомолунгма и её дети». М., Радуга, 1983. (Об Эвересте и доброй сотне вершин Гималаев).
  • Reinhold Messner. «Everest: Expedition to the Ultimate» («Эверест: экспедиция к пределу»). New York/London, 1979.
  • Reinhold Messner. «Everest Solo» (англ. издание «The Crystal Horizon: Everest — The First Solo Ascent»), 1980.
  • Месснер, Райнхольд. «Хрустальный горизонт». М., 1990. (О первом одиночном восхождении на Эверест без кислорода и в период муссонов).
  • «Эверест-82» — М., 1983 (материалы первой советской экспедиции)
  • «Эверест, юго-западная стена» — Ленинград, 1983 (о первой советской экспедиции)
  • [1].
  • Кононов Ю. В. [2].
  • Isserman, Maurice; Weaver, Stewart. . — ISBN 978-0-300-11501-7.
  • «У каждого свой Эверест». Тольятти, АвтоВАЗбанк. (Иллюстрированный альбом о восхождении команды Волжского автозавода в 1992 году).
  • Kielkowski Jan. «Mount Everest massif». EXPLO, 2000. («Окрестности Эвереста»).
  • Поппи Брайт. «Сбой системы» («System Freeze»), сборник «The Devil You Know», 2003.

РегІелал[хисизабизе | вики-текст хисизабизе]