МухIаррам моцI

Wikipedia сайталдасан материал
КӀанцӀизе: Навигация, цIехезе

МухIаррам моцI (гIараб мацIалда محرم)

ГIараб мацIалъул «МухIаррам» абураб рагIул магIна буго: «гьукъараб, мукъадисаб».

МухIаррам моцI ккола жинда жаниб рагъ хIарам гьабурал, Ибрагьим аварагасул заманалдаго хIурмат гьабулел рукIарал, Къуръан-хIадисалъ жиндир хиралъи бицарал моцIазул цояб. Гьединлъидал, щивав бусурбанчияс кIвар кьезе ккола гьеб моцI, Аллагьасе тIагIат цIикIкIун гьабун, хIал кIвараб къадаралъ квешлъи рехун тун, нухда тIобитIизе. ТIадежоялъе гьеб моцI лъагIалил байбихьиги кколелъул.

ГIашура къоялъ, гIицIго кIал кквеялда къокълъичIого, ункъо ракагIат суннатаб как базе лъикIаб буго, щибаб "АлхIамалда" хадуб 11 нухалъ "къулгьуги" цIалила, цоги-цоги тIагIат гьабизе, Къуръан цIализе, ссалат битIизе, мискин-пакъиразе садакъа гьабизеги суннатаб буго. ГIашура къо ккола ТIадегIанав Аллагьас зобал, ракьал, гIарш, курс, малаикзаби ва Адам авараг жиндилъ вижараб къо, гьединго гьесул тавбу къабул гьабураб, Идрис (гI.с.) алжаналде вачараб, НухI (гI.с.) гамидаса рещтIараб, Ибрагьим (гI.с.) цIаялдаса хвасарлъараб, Мусаде (гI.с.) "Таврат" рещтIараб, ФиргIавн гъанкъараб, Муса авараг (гI.с.) гьесдаса хвасарлъараб, туснахъалдаса Юсуф авараг (гI.с.) къватIиве вачIараб, Давуд аварагасул (гI.с.) гъалатI чурараб, Сулейман аварагасухъе (гI.с.) ханлъи тIадбуссараб ва цогидалги хиралъаби ругеб къо. [1]


Примечания[хисизабизе]

  1. http://web.archive.org/web/20110501140506/http://www.assalam.ru/avar/arhiv/2009/avar_2009_23.pdf