Къуръан

Wikipedia сайталдасан материал
КӀанцӀизе: Навигация, цIехезе
Сурату РахIман, СугIуд Шураймил гьаракьалдалъун

Къуръан (гӀар. اَلْقُرآن‎‎ [qurˈʔaːn] — аль-К̣ъур’а̄н ) ккола ТIадегIанав Аллагьасул калам, жиндилъ мугIжизат бугеб, ва жибги рещтIараб жиндир лагъ ва Аварагзабазул бищунго ахирисев МухIаммад аварагасда ( жинда Аллагьасул цIоб рахIмат лъеяв ).

Ва гьеб Къуръанги жиб Аллагьас цIунараб буго хисизабиялдаса, тIадцIикIизабиялдаса, ва камизабиялдаса. Аллагьас абулеб буго хирияб Къуръаналда: ХIакълъунго дица рещтIана гьеб Къуръан! ва дун вуго гьеб рещтIулеб мехалъ ва рещтIун хадубги гьеб цIунулев, ( ай кIарччанлъиялдаса ва мукъсанлъиялдасаги ).

Къуръан буго Аварагас жал рацIадал АсхIабзабазда жиб малъараб, жибги данд бакIарараб Абубакр асхIабас, ГIумар асхIабасул ишараялдалъун. ГIусман асхIабас жибги хъвараб, ва жинда тIад тIубанго умматги рекъараб. [1]

Хирияб Къуръан баян гьабулеб гIелму, ва гьеб цIалиялъул хиралъиялъул ва адабазул бицунеб калам.

Хирияб Къуръан буго тIадегIанав Аллагьас жиндие вокьулев МухIаммад Аварагасда рештIинабураб тIехь, гьелдалъун жинца гIадамал жагьиллъиялъул бецIлъиялдаса иманалъул нуралде рачине, куфру-ширкалъул, зулму-хIалалъул, талихI къосиналъул нухдаса гьел хвасар гьаризе.

Примечания[хисизабизе]

  1. http://guraba.net/avar/component/option,com_frontpage/Itemid,1/