Эпепо

Эпе́по (латин: Colútea arborescens) — Fabaceae хъизамул рижунжазул регӀ, Colútea-лъул типалъул регӀ. Халатаб, тӀамах гъунеб хьуй. РегӀулӀ уна кӀиго батӀияб гъоркьрегӀ — Colutea arborescens subsp. arborescens гун Colutea arborescens subsp. gallica Browicz.^[1]

ЦIар

Жибго цӀар, бихьухъе, авараб буго, гӀагарал формаби гӀанди мацӀазулӀ руго. Авараз гьелде цоги кьвагье́ро абула.

ЧӀезабураб этимология гьечӀо, хӀо авар эпе́по [epépo] форма дандеккола гӀанди мацӀазулалгун: багвал. бебо [bebo] (багвал. диал.: лъис. бибо [bibo], кван. абабо [ababo], гьинд. абабибо [ababíbo]), кӀкӀар. гӀабубу [ʕabubu], балъхъ. абабе [ábabe] (балъхъ. миарс. гӀапапу́ [ʕapapú]) «эпепо».

Сипат-сурат

ТӀамах гъунеб, хеккого гӀолеб, канлъи бокьулеб, багӀарукь хӀинкъулареб гьарш-гьаршарал гӀаркьалабазул 4-5 м. бахунеб хьуй. Май-июналъ тӀегьала.^[2]

ТӀанхал

ТӀанхазул форма букӀуна эллиптикияб яги ханибегӀаб, гьезул халалъи 1,5—3 см. ТӀанхил адаксиалияб (тӀасияб) рахъ букӀуна канчӀгӀурччинаб, толораб; абаксиалияб — чанчахаргӀурччинаб, цодагь гьаршараб.

ЦӀул

Берцинаб, тӀогьилгьинаб цодагь сурмиябгун румаб кьерал чӀвараб цӀул.

ТӀибитӀи

ГӀемериса бижула гьаб гьогьаб салихӀалаб ракьутӀа. ГьитӀинаб щватил хьуйдул ганчӀахарал ракьаздаги гӀола. Жиндир тӀабигӀияб куцалда тӀибитӀун буго Шималияб Африкалда — гӀемериса Алжиралда гун Мароккоялда; Централияб Европалда – Австриялда, Чехиялда, Словакиялда, Венгриялда, Германиялда гун Швециялда. Жанубгун-бакътӀерхьул Европалда — Испаниялда гун Франциялда. Гьеб дандечӀвала Крималда гун Кавказалда. Украиналъул, Балтиялъул хӀукуматазул, Россиялъул европалъул рахъалъул парказда гӀезабула.

ХӀалтӀизаби

Хьуйлъуца ракь лъикӀ цӀунула эрозиялдаса, рохьал цӀилъизаризе, руссинаризе гун ракьал гӀурччинлъизарулӀ хӀалтӀизабула, хасго ракъвай цӀикӀкӀарал регионазда. Хьуйдул чӀола солитералккун, къокъабиккун, цинги чӀагояб чалилъун.

МугъчӀваял

^ "Информация о виде Colutea arborescens L. на сайте Catalogue of Life". Архивация оригиналалдаса, 2017-01-04. Щвей 2017-01-03.
^ Атрохин В. Г., Калуцкий К. К., Тюриков Ф. Т. (1982). под ред. К. К. Калуцкого (ред.). Древесные породы мира. Т. 3: Древесные породы СССР (PDF). М.: Лесная промышленность. гьгь. 72, 73. Архивация (PDF) оригиналалдаса, 2016-12-20.{{cite book}}: CS1 maint: multiple names: authors list (link)

[1] "Информация о виде Colutea arborescens L. на сайте Catalogue of Life". Архивация оригиналалдаса, 2017-01-04. Щвей 2017-01-03.

[Атрохин1982-2] Атрохин В. Г., Калуцкий К. К., Тюриков Ф. Т. (1982). под ред. К. К. Калуцкого (ред.). Древесные породы мира. Т. 3: Древесные породы СССР (PDF). М.: Лесная промышленность. гьгь. 72, 73. Архивация (PDF) оригиналалдаса, 2016-12-20.{{cite book}}: CS1 maint: multiple names: authors list (link)

[1]

[2]