Транзитивиял фигІлаби

Википедия — эркенаб энциклопедия сайталдасан материал
Перейти к навигации Перейти к поиску

Транзитивияб фигІлу ккола фигІлулъун, жинца цо яги цІикІкІун объект босулеб. Гьеб данде лъола жиндир объект букІунареб интранзитивияб фигІлуялде. Транзитивлъи, гІадалда биллъараб къагІидаялъ, рикІкІуна клаузаялъул глобалияб хасиятлълъун , жиндалъун иш агенсалдаса пациенсалде кьолеб t.[1]

Транзитивиял фигІлабазе классификация гьабизе бегьула гьез тІалаб гьабулеб объекталъул къадаралде балагьун. Жидеца кІиго аргумент, субъект ва битІараб тІадежубай (объект), тІаде босулел фигІлаби ккола монотранзитивияллъун. Жидеца кІиго объект, битІараб ва хъвалсараб тІадежубай, тІаде босулел фигІлаби ккола дитранзитивияллъун[2]. Ингилис мацІалда дитранзитивияб фигІлуялъул мисаллъун бачине бегьула to give 'кьезе' фигІлу, жинда цадахъ субъектги, битІараб ва хъвалсараб объектги букІине беьулеб: John gave Mary the book 'Джоница кьуна Марияхъе тІехь'. John — субъект, gave — дитранзитивияб фигІлу, Mary — хъвалсараб объект, the book — битІараб объект.

Транзитивиял фигІлабазде данде ккун, цо-цо фигІлабаз тІаде босула "чІобогоял" объектал. Жидее объект къварегІунарел фигІлабазде абула транзитивиял гурел, яглъуни интранзитивиял фигІлабилъун. Авар мацІалда интранзитивиял фигІлабилъун ккола фреквентативал (такрарлъул фигІлаби), мисалалъе, хъвадаризе. Ингилис мацІалъул интранзитивияб фигІлуялъе мисаллъун буго to swim 'лъедезе' фигІлу.

Транзитивиял гуреллъунги транзитивияллъунги рукІине бегьулел фигІлабазда абула амбитранзитивиялилан. Авар мацІалде гІемерисел фигІлаби (френквентативалги, каузативалги хутІун) ккола амбитранзитивияллъун, мисалалъе, бачІине. Ингилис мацІалда мисаллъун ккола to eat 'квине' фигІлу. Киябго жумла: You eat 'мун кванала' (интранзитивияб формагун) ва You eat apples 'дуца гІеч кванала' (транзитивияб формагун, жинда жаниб объектлъун apple рагІи кколеб) ккола грамматикияллъун.

ГІаммал хасиятал[хисизабизе | вики-текст хисизабизе]

Балагье гьединго[хисизабизе | вики-текст хисизабизе]

ХІужжаби[хисизабизе | вики-текст хисизабизе]

  1. (June 1980) «Transitivity in grammar and discourse». Language 56 (2): 251–299. DOI:10.1353/lan.1980.0017. Хал гьабуна 24 January 2016.
  2. Kempen, Gerard; Harbusch, Karin (2004). "A corpus study into word order variation in German subordinate clauses: Animacy affects linearization independently of grammatical function assignment". In Thomas Pechmann; Christopher Habel (eds.). Multidisciplinary Approaches to Language Production. Walter de Gruyter. pp. 173–181. ISBN 978-3-11-017840-1. We distinguish two types of transitive clauses: those including only [a subject–direct object] pair are monotransitive; clauses containing [subject, direct object, and indirect object] are ditransitive.