Росдал совет
Росдал совет (беларус: сельсавет, романлъизаби: sieł'saviet; гӀурус: сельсовет, ИФА: [sʲɪlʲsɐˈvʲet]; украин: сільрада)[a] буго цоккураб росдаллъул администрацияги (совет), элъул кколеб территориалаб бутӀаги (административ-территориалаб цвел). Гьединго росдал советилан абула администрауиялъул рукъалдеги.
Росдал советал рукӀана росдаллъул административияб рикьул бищун гӀодобегӀанасеб макъам Совет Союзалда, эл рукӀана бакӀалъул жиндирго нухмалъуе гӀахьалал, росдал советалъул бетӀер тӀамулаан тӀадехунисеб администратциялъ. СССР биххун хадуса, эл цӀунун хутӀун руго административ-территориалаб рикьул лъабабилеб макъам гӀадин Россиялъул субйектазул, Белоруссалъул, Украиналъул территориялда.
Россиялул цо-цо субйектазда, гьенибго Дагъистаналдаги, росдал совет ккола мухъалъул (районалъул) росдалаб административияб цвел, жинца кӀиго яги цӀикӀкӀун росу гъорлӀе бачунеб, жиб мухъалъул администрациялъеги мукӀураб.