Кавутар
Каву́тар, яги каву́лав – нуцалас Авар нуцаллъи цӏунизе, гьелъул гӏорхъабазда (кавабахъ) толел рукӏаразул цӏар — титул. Кавутарзабаз цӏунулаан батӏи-батӏиял боязул «каваби»-ги.
Кавутарзаби рукӏин лъаниги, гьезул цодагьазул гурони цӏарал лъалел гьечӏо.
Хьиндаллъи
[хисизабизе | код хисизабизе]Хьиндаллъуда рукӏарал кӏиго кавутарасул хӏакъалъулӏги лъала. Гендеридаги ансадеридаги аскӏоб бугеб Щугъи-магӏарда, гьелъул бакъбаккуда, букӏун буго Щугъи́ абураб росу, гьелъул бетӏерлъун вукӏун вуго жиндир цӏар кӏочарав кавутар. Гьеб росдадасаги бакъбаккудехун буго Каву́дул-Бакъда́ абураб бакӏ. Кавутарил вукӏун вуго Яру́ш (яги Яро́ш) абурав вацги, гьев вукӏун вуго Кошма́тӏа абураб гьитӏинаб росуги цӏунун, гьединлъидал гьесде кошматар («Кошматӏа тарав») инги абула.
Гьид
[хисизабизе | код хисизабизе]Гьидерица цӏакъго рикӏкӏунеб росулъун кколеб буго чияс рехун тараб Чолода.