АхӀмаднабиев, СайгидахӀмадил Исраил

Википедия — эркенаб энциклопедия сайталдасан материал
Абу-ГӀумар Сасикьав» гьумералдаса гьанибе буссинабуна)
Исламалъул дагІватчи, жамгӀияв цевехъан
13 сентября 1980(1980-09-13) (43 года)
ЦӀияб-Сасикь росу
Дагъистан,
РСФСР, СССР
p27
СайгидахӀмад АхӀмаднабиев
Зарбат Денгаева
4
12 вас,
3 яс

СайгидахӀмадил Исраил АхӀмаднабиев (Абу-ГӀумар Саситлинский), (гьавуна 1980 соналъул 13 сентябралъ, ЦӀияб-Сасикь, Дагъистан, РСФСР, СССР) — исламалъул дагӀватчи ва жамгӀияв цевехъан.

Специализация: шаргӀияв диванчи[1].

Хъизан[хисизабизе | код хисизабизе]

Гьесул эмен вуго СайгидахӀмад АхӀмаднабиевмагӀарул шагӀир, бизнесмен, 9 соналъ ЦӀияб-Сасикь росдал администрациялъул бетӀерлъун вукӀарав. Эбел - Зарбат Денгаева. Исраилил руго 6 вацги ва 1 яц. Гьесул йиго 4 чӀужу ва гьабсагӀаталъ 15 лъимер буго гьесул: 12 вас ва 3 яс.

ЦӀали[хисизабизе | код хисизабизе]

Росулъ бугеб гьоркьохъеб школа лъугӀизабун хадув Исраил гьенибго бугеб мадрасаялда цӀализе рекӀана.

Лъабго соналдасан, 2000-леб соналъ гьев ана гӀелму лъазабизе Шамалда (Сириялда) ва гьенив Димишкъ шагьаралъул «Абу Нур» исламияб жамигӀалъул гӀараб мацӀ малъулеб бутӀаялде цӀализе лъугьана.

Гьебги лъугӀинабун 2001 с. гьев Димишкъалда бугеб Аль-Азгьар жамигӀалъул «ФатхӀуль-Ислами» филиалада шаргӀияб факултеталда цӀалана. Гьенибго бакалавриаталъул, магистратураялъул ва аспирантураялъул цӀалул программаби лъугӀине гьаруна.

ЖамгӀияб хӀалтӀи-пиша[хисизабизе | код хисизабизе]

2009 соналъул 13 ноябралъ гьес интервью кьуна «Черновик» газеталъе ва гьениб лъазабуна ЦӀияб-Сасикь росулъ xӀафизазул мадраса рагьизе[1] Лъабго соналдасан, 2012 соналъул 20 октябралъ, гьесул хӀаракаталдалъун рагьана гьеб центр, хӀафизазул мадрасаги ятимазул центрги жинда гъорлъ бачунеб.

Абу-ГӀумар (Исраил) Сириялда. 2013 сон.

2013 соналъ Абу-ГӀумар Сириялда ругел бусурбабазе кумек гьабизе гӀарацги бакӀарун ана гьенив ва бикьана гьеб квен-тӀехалдалъун, парталалдалъун ва цоги-цоги рагъалъ кӀвекӀарал пакъирзабазе къваригӀараб жоялдалъун.[2] Гьелъие ва цоги хӀажатаб бакӀалде гӀарац бакӀарулеб букӀана Дагъистаналда Абу-ГӀумарица гӀуцӀараб ва жив гьелъул бетӀерлъун вугев кумекгьабиялъул «Ансар» фондалъ.

2014 соналъул апрелалъ «Ансар» фондалъул хӀалтӀухъаби ва америкаялдасан дагӀватчи Халид Ясин ана Сомалилендалда анкь бахъизе, гьезда гьоркьо Абу-ГӀумарги.

2013 соналъул сентябралда Туркиялда гьес гӀуцӀана исламияб центр «Мугьажирал»[3].

2014 соналъул 4 февралалъ "Кавказпресс" сайталъ информация кьуна Исраил АхӀмаднабиевасда тӀад «ЖахӀда, тушманлъи, кьал багъаризаби ва инсанасул къадру гӀодогӀан гьаби» 282.2 макъалаялда рекъон уголовнияб хӀалтӀи рагьун бугин. Гьелъие сабаблъун ккана гьес цо вагӀзаялда гӀалавитазул рикьалоялъе лъикӀаб гуреб къимат кьей.

2014 соналъул 27 ноябралъ Истамбулалъул полициялъул бутӀаялда визаялъул хъвай-хъвагӀай гьабизе араб мехалъ Абу-ГӀумар ккуна ва жанив тӀамуна[4]

19 декабралъ гьес жиндирго ВКонтакте сайталда бугеб гьумералда хъвана:

Ракъун чӀейги лъазабун, ахӀи-хӀурги гьабураб мехалъ, бащадал жанир тӀамурал къватӀир реччана. Нижеца абула букӀана ниж гьанир ккун чӀезариялъул гӀила бице-ян, амма тӀубарал моцӀазги гӀадамазе гьеб лъалеб гьечӀо. Туснахъалъул бетӀерлъун йиго чӀужу-гӀадан. Нежехъеги ячӀун сородилаго бичӀизабуна ниж гьанир ккеялъул гӀайибал жал гьечӀин, "система" бугин. Ниж мекъса, зулмуги гьабун гьанир ккун букӀинги доз жедецаго абула буго. Гьанже сабруги гьабун ругоха. Аллагьасда гьарулеб буго диеги цогидал жанир тӀамурал бусурбазеги эркенлъи кье-ян.

Оригиналияб текст (гІурус)
После трех дневной голодовки и бунта в тюрьме, половину заключеных тюрьмы освободили. Мы выдвинули наши требования начальству тюрьмы. Из основных требований: Объяснить нам, причину задержания... ...Начальник тюрьмы женщина, этим многое сказано. Нормально переговорить боится, пришла к нам в комнату и видно голос дрожит от страха. Потом приходят за нее другие успокаивать и ложные обещания давать. Мол, признаем, что несправедливо и зульм, но это система виновата говорят, а не мы. Аллах им судья, тагут и в Африке тагут. Адвокаты тоже, профи по обещаниям, но не по делу. Они говорят, мол система рулетки работает, кому как повезет. Ждем дальше, проявляем терпение и просим Аллаха, скорейшего освобождения мне и всем пленным мусульманам.

2015 соналъул апрел моцIалда туснахъалдасан къватIив веччана.

ХӀужаби[хисизабизе | код хисизабизе]

  1. 1,0 1,1 "Ислам - это не только похороны и нашиды".
  2. "Благотворительная помощь беженцам Сирии,Абу Умар, вторая поездка".
  3. http://www.youtube.com/watch?v=GH6kkUUjUeY/ Абу Умар и Халид Ясин в Стамбуле. 21.09.2013 г.
  4. "Дагестанский проповедник Абу Умар Саситлинский задержан в Турции". Архивация оригинал (2014-12-25). Халагьи 2015-03-09. {{cite web}}: Invalid |url-status=хвараб (квеки)

Линкал[хисизабизе | код хисизабизе]