Турциялъул магӀарулал
Туркиялъул магӀарулал (турк мацIалда: Türkiye Avarları)
150-200 соналъ цере Туркиялде гочарал магIарулал руго жидерго мацIги цIунун, нилъеда цIунизе кIолеб гьечIеб маданияталъул цIех-рехги гьабун.
Узухъда, Туркиялъул магIарулал ккола батӀияб пачалихъалъул гӀадамал. Гьезул гӀемерисезда жидер тарихияб ватӀан – Дагъистан – бихьичӀо. Гьезда ватӀаналъул хIакъалъулъ лъала умумузул биценаздасан, гьезул рекӀел угьиялдалъун, берзул магӀуялдалъун. Дагъистан тун батӀияб бакӀ гьез ватӀанлъун рикӀкӀинчӀо. КъватӀисеб улкаялда гӀумру гьабун рукӀаниги магӀарулаллъун дол гьарула мацӀ цӀунун букӀиналъ, жидерго тӀабигӀаталъ, чорхолъ бугеб магӀарул рухӀалъ. [1]
ХӀакъикъаталдаги гьеб кканилан абизе бегьула Туркиялде гьабураб сапаралда, - ян бицана кочӀохъанас. – Гьениб чанго батӀияб миллаталъул (лъарагIал, магIарулал, даргиял…) дагъистанияз бицунеб букӀана цохIо магӀарул мацӀ. БитӀахъе бицани, авар мацӀалда кечӀ ахӀулеб мехалъ гьезул бадиб магӀу хулулеб букӀана. Туркиялда ругел нилъер дагъистаниязе нижер церерахъиназ кӀудияб асар гьабуна. [2]
[хисизабизе] Примечания
[хисизабизе] ХIалтIизабураб адабият
- А. МуртазагIалиев «Турциялъул дагъистан диаспораялъул адабият» (2006)
 |
Гьаб макъала буго тIинчI, вай гьеб жеги хIадур гьечо. Гьабе кумек Википедиялъе, битIизабе ва тIаде жо жубай гьалде. |
